معلومات مهمة لكل ام عن اضطراب السلوك الجنسى عند الأطفال

بواسطه رضوى الشاذلى الإثنين , 8 أكتوبر 2018 ,9:45 ص

معلومات مهمة لكل ام عن اضطراب السلوك الجنسى عند الأطفال


الاضطراب في السلوك الجنسى عند الأطفال قبل 12 سنة بيكون وصفة الوحيد انه مشكلة في السلوك واللي غالبًا بيحتاج تعديل واهتمام من الأم والأب لان الاهمال ممكن يسبب مشاكل اكبر في سن المراهقة، علشان كده لازم تعرفي كويس ايه الاسباب اللي بتسب مشاكل في السلوك الجنسي عند الاطفال.
 
اعرفى السبب:
الدراسات بتقول ان العنف والمشاكل الاسرية والقسوة والعنف الجنسي من اشهر الاسباب لزيادة مشكلة اضطراب السلوك الجنسي عند الأطفال في سن صغير، وان مش من الضروري ان الطفل يكون اتعرض لتحرش او اعتداء جنسي في الصغر، لكن في اسباب تانية كتير لها علاقة بالتربية وسوء التعامل مع الاطفال، وعدم قدرة الأم على الاحتواء والتفهم.
 
اعراض اضطراب السلوك الجنسى عند الاطفال:
في مجموعة من العلامات اللي اقرها الاطباء، بتشير ان في مشكلة جنسية عند الطفل وفي سلوكياته، المؤشرات دي بلاش تتجاهليها لانها دليل على مشكلة كبيرة.
 
- بيتجاهل كل القواعد اللي بتطلبيها منه بشكل غريب.
 
- سلوكه عدواني سواء معاكي او مع غيره من الأطفال.
 
- عنده نقص في المهارات الاجتماعية وفق سنه.
 
- سلوكه في الحمام مزعج او غير منضبط.
 
- ملاحظة تصرفات لها علاقة بالاتصال الجنسي غير المناسب مع اطفال غيره.
 
- التعامل مع جسمه بطريقة لافتة او غير طبيعية.
 
- يعري جسمه في الاماكن العامة بهدف ابراز اعضائه التناسلية.
 
- ادخال اي العاب او شىء صلب في الاعضاء التناسلية او فتحة الشرج.
 
- التقبيل بطريقة غير لائقة. 



قولى رأيك

تابعنا علي فيسبوك