10 اطعمة تمنحك بشرة نضرة ومتوهجة قبل الفرح

بواسطه روضة إبراهيم الجمعة , 20 إبريل 2018 ,8:35 ص

10 اطعمة تمنحك بشرة نضرة ومتوهجة قبل الفرح


يوم الفرح بتكون العروسة اكتر شخص محاطة بالانظار من اول اليوم لحد اخره، ولانها في اليوم ده بتكون ايقونة للجمال ورمز للانوثة علشان كده شكلها وميكاجها وفستانها وبشرتها اهم حاجة بالنسبة للعروسة يوم الفرح، ولو كنتي مقدمة على الزواج اعرفي مع لهلوبة الاطعمة اللي لازم تاكليها علشان تساعدك في الحصول على بشرة نضرة ومتوهجة.
 

1- سمك السلمون: 

بيحتوي على الاحماض الدهنية الاساسية، وكمان بيحتوي على اوميجا 3، والعناصر دي بتحافظ على نضارة بشرتك وشعرك وكمان بتقوي اظافرك، علشان كده ينصح للعرايس بتناولها قبل الفرح بفترة.

2- الفستق:

تناول المكسرات وعلى رأسهم الفستق بيساعد على تغذية البشرة والشعر وفروة الرأس، وده لما يحتويه من عناصر غذائية كتير مهمة.

3- القرفة:

المشروب ده بيحفز الدورة الدموية وبالتالي بيساعد في اظهار البشرة مشرقة ونضرة.

4- الكركم:

بيساعد في علاج البشرة التالفة، علشان كده ينصح بادخاله في معظم طعامك، وكمان هو له طعم جميل ومميز.

5- الشوكولاتة الداكنة:

بتساعد على التقليل من حساسية الشمس، وبالتالي بتصبح البشرة نضرة ومش محروقة او ملتهبة بسبب اشعة الشمس الضارة.

6- النعناع:

بينشط الدورة الدموية وبيزيد من صحة البشرة ونعومتها وصفائها، وبيخفف من التهابها وكمان بيقلل من انتفاخ العين وبيزيل الهالات السودا، ويساعد في ازالة التجاعيد. 

7- البنجر:

يحتوي على عناصر مفيدة جدًا لصحة البشرة زي البوتاسيوم والصوديوم والكالسيوم وفيتامين "هـ"، وايضًا يحتوي على نسبة كبير من فيتامين "أ".

8- البقوليات:

يفضل تناول البازلاء والفاصوليا والعدس وغيرها من البقوليات لانها بتساعد بشكل كبير في عملية الهضم وده لانها بتحتوي على الياف عالية، وكمان بتساعد في ازالة السموم، وبالتالي بيكون لها دور كبير في تنضيف البشرة.

9- التوم:

بيساعد في محاربة التهابات الجلد، وبالتالي بيجعل البشرة رايقة وخالية من الشوائب وبيقلل من الاحمرار.

10- البروكلي:

بيحتوي على نسبة كبيرة من مضادات الاكسدة اللي بتساعد في توهج الجلد، وكمان بيحتوي على نسبة كبيرة من الاحماض الدهنية، واوميجا 3 والكالسيوم، وغيرها من العناصر اللي لها دور كبير في الحفاظ على نضارة البشرة.
 
 
موضوعات متعلقة:



قولى رأيك

تابعنا علي فيسبوك