ريهام سعيد تصاب بكورونا وهذا ما قالته بعد أن تم حجزها بالمستشفى!

بواسطه هند جمال الخميس , 23 سبتمبر 2021 ,7:14 ص

ريهام سعيد تصاب بكورونا وهذا ما قالته بعد أن تم حجزها بالمستشفى


أعلنت الاعلامية ريهام سعيد عن إصابتها بفيروس كورونا، من خلال نشرها لصورة لها من داخل المستشفى، وذلك عبر حسابها الرسمي بموقع التواصل الاجتماعي "انستجرام".

وقالت ريهام: "بقالي أسبوعين بعاني من كورونا والحمد لله الرئة اتأثرت واتحجزت في المستشفي من شوية، إحساس غريب وأنت عندك حاجه مميتة، بتراجع نفسك كتير وتحاسب نفسك كتير، أكيد غلطت لكن عمري ما قصدت، كان دائمًا الغرض نفع الغير وإظهار الحقيقة".

وأضافت: "شكرًا يا رب على حبك ليه وشكرًا على ابتلاءتك الكتير اللي بتدل على اهتمامك بيه، إذا كانت دي النهاية يا رب أحسن خاتمتي واحسب لي كل عمل عملته لوجهك الكريم، يا رب أنت الوحيد اللي عارف أنا عملت إيه وكانت نيتي دائمًا ايه، استحملت وصبرت على افترا وظلم كتير، يا رب اغفر لي وسامحني وخلي بالك من اولادي".

وأكملت ريهام: "إذا كان ده اختبار من اختباراتك ولسه في العمر بقية يا رب اشفيني وأقف جنبي وسهل عليه محنتي، أنا راضية بأي شيء، نصيحة لكل واحد بيهاجم مشهور أو ناجح أنت بتاخد ذنب رهيب، أنتوا بتاخذوا من أعصابنا وصحتنا وكله على باطل، خلي بالكوا الأذية دي وحشة أوي وهاتقعد لك في أعز ما عندك، أرجو الدعاء بالخير ليه أيًا كان هو إيه، اسمحوا لي إني اعتذر لكل فريق العمل السيدة زينب والمنتج ممدوح شاهين والاستاذ المخرج محمد النقلي على العطلة اللي اتسببت فيها".

وعقب نشر يهام سعيد لتلك الكلمات، انهالت عليها التعليقات التي تتمنى لها الشفاء العاجل من الفيروس اللعين، من قبل متابعيها.

ريهام سعيد

وكانت ريهام سعيد قد أعلنت مؤخرًا عن إصابتها بمرض السكر، بعد إجرائها لبعض التحاليل الطبية، وذلك بسبب مرورها بأزمات عدة أثرت سلبًا في نفسيتها وصحتها، قائلة: "كنت دايما بتكلم عن الصحة وأقول إنها أهم حاجة، وطلع الصحة مربوطة بالحياة اللي أنت تختارها، طلعت تحاليلي مافيش أوحش من كده والحمد لله، وهو من التحاليل اللي ضايقتني أوي بخصوص السكر".

وأضافت: "أنا اكتشفت إن جالي سكر، ودي حاجة لا ألوم عليها حد غير نفسي، لأن أنا اللي حملت نفسي فوق طاقتي وكنت دايمًا بقول إن ربنا مش بيدي حد حاجة غير على قد طاقته".

وأكملت ريهام: "السكر للأسف حاجة بشعة ولازم تحارب وماتاكلش وماتزعلش ودي حاجة صعبة أوي وسط اللي بنعيشه حاليًا، لأن إحساس الظلم أكتر حاجة بتوجع وبتضايق".

 

موضوعات متعلقة:

رسالة غامضة من ريهام سعيد والجمهور يخمن المقصود حسن شاكوش؟!

السبب الحقيقي وراء ايقاف برنامج صبايا الخير الذي تقدمه الإعلامية ريهام سعيد

ريهام سعيد تكشف سبب عداوتها مع حسن شاكوش

من هو المذيع الذي هاجمته ريهام سعيد بالقلم على وشه؟!



قولى رأيك