رحلتك في الحمل: الأسبوع التاني

بواسطه رضوى الشاذلى الأربعاء , 19 يوليو 2017 ,11:19 ص

رحلتك في الحمل الأسبوع التاني


لهلوبة بتكمل معاكم الأسبوع التاني من الحمل:

الاعراض:

الفترة دي بتكون مثيرة جدًا لأي ست، ومن ابرز الاعراض اللي بتحس بيها، النعاس، الدوخة، كبر حجم الصدر، الاحساس بالرغبة في الترجيع فترة الصبح.

ومن الأسبوع ده، الام بتبدأ تغير فى نمط حياتها، وتركز أكتر على الحاجات الضرورية، استعدادا لفترة الحمل.

تطور الجنين

فى خلال الأسبوع ده بيتحدد ان كان الجنين ولد أو بنت، فكل بويضة فيها كرموسوم جنسي X ، أما الحيوان المنوى بيحتوى على كرموسوم جنسي X أو Y .

الطفل فى المرحلة دي بيسمى جنين، وبيتكون من 150 من الخلايا المقسمة لثلاث طبقات منفصلة، وهي:

الطبقة الأولى: الداخلية، والمعروفة باسم الأديم الداخلي او إندوبلاست، وبتتحول إلى الجهازين الهضمي والتنفسي، واللي فيه الغدد مثل البنكرياس والغدة الدرقية والكبد.

الطبقة الثانية: الوسطى، واسمها كمان الأديم المتوسط، وبيتشكل منها عظام الطفل، الغضاريف، الدورة الدموية، طبقة الجلد الداخلية، العضلات، الأعضاء التناسلية، والغطاء الخارجي .

الطبقة الثالثة: الخارجية، أو الأديم الظاهر او اكتوبلاست، ودي بتكون الجهاز العصبي، والدماغ، والبشرة، وتشمل جلد الطفل، والأظافر، والشعر .

فى الوقت ده الجنين بيكون محمي بافرازات بطانة الرحم، وحجمه صغير جدًا لا يتعدى 0.2 ملم.

نصايح:

لازم تتخلصي من أي عادات سلبية بتمارسيها زى مثلًا التدخين، لان عاداتك الصحية بتأثر صحة الجنين.

ولو كنتى مخططة للحمل ده، يبقى أكيد بداتي تاخدي فيتامينات ومهم تستمري عليها لحد الولادة، ومن المؤكد إن جرعة الفوليك هتزيد خلال الفترة دي، كمان اسألى الدكتور بتاعك عن العادات الصحية اللى لازم تحافظي.

 

موضوعات متعلقة:

اعراض الحمل اول اسبوع

ما هي اعراض الحمل فى الاسبوع الاول

ما هى اعراض الحمل فى الاسبوع الثانى

ما هى اعراض الحمل فى الاسبوع الثالث

ماهى اعراض الحمل فى الاسبوع الرابع



قولى رأيك

تابعنا علي فيسبوك