اعرف شخصيتك من وضعية نومك

بواسطه علياء المحمدى الأربعاء , 13 سبتمبر 2017 ,4:46 م

اعرف شخصيتك من وضعية نومك


كل واحد مننا له وضع في النوم مختلف عن غيره، الوضع اللي بيرتاح فيه أكتر واللي بيبدأ بيه الاستعداد للنوم، الوضع ده بيحدد صفات شخصيته. 

 

- النوم على جنب مع تني الركبة:

شخص هادي ويعتمد عليه، مش من السهل إثارة غضبه، مبيخافش من المستقبل، بيبتسم رغم اصعب الظروف، بيقدر يتأقلم مع كل المشاكل والتغيرات.

 

- التقوقع:

النوم مع الانكماش وتني الركبة والدراعين للداخل معناه غن الشخص محتاج حماية ومحتاج حد يفهمه، بيحاول بالوضع ده عزل نفسه عن المشاكل والعالم اللي بواجهه، بيحب يطلع أفكاره في الرسم أو الرقص أو الكتابة.

 

- على البطن:

خصوصا مع فرد الرجلين والدراعات بيعبر عن شخص قائد، متسرع شوية وعنده القدرة على المبادرة في الحياة العملية والشخصية، بيحب يخطط كل حاجة قبل التنفيذ لأنه لا يحب المفاجأت، قدرته على الملاحظة والمسئولية والنجاح كبيرة.

 

- على الضهر:

مع فرد الأطراف على بُعد بيعبر عن شخصية بتحب الحياة، بيحب يبقى مركز الانتباه، بيحب التجمعات، بيشتغل بعزيمة وإصرار لكن مع العقل والتفكير، بيحب يقول الحقيقة، شخصيات قوية في العموم وبتواجه بصدر مفتوح.

 

- على الضهر في وضع انتباه:

بحيث يبقى الجسم كله مفرود ومضموم على بعضه، الوضع ده بيعبر عن شخص تصرفاته محسوبة جدا، عارف اهدافه في الحياة، بيحب ياخد قراراته بنفسه من غير ما حد يفكر معاه، منظم وملتزم، متطلب جدا.

 

- النوم على البطن مع تني رجل واحدة:

بيعبر عن شخصية تصرفاتها غير متوقعة، بتحب المغامرة جدا، حالتها المزاجية بتتغير بسرعة، وبتأثر عليها وعلى كل اللي حواليها، شخص مش من السهل انه ياخد قرار بسهولة في حياتها عموما، مع ذلك بتفضل الاستقرار والسلام والهدوء. 

موضوعات متعلقة:

إعرفي شخصيتك من لون أحمر الشفاة المفضل لكِ

إعرفي شخصيتك من طريقة بكائك أيهم أنت؟

إعرفي شخصيتك من طريقة جلوسك اكتشفي نفسك

 



قولى رأيك