5 نصايح تساعد ابنك ينام لوحده

بواسطه رضوى الشاذلى الاحد , 22 أكتوبر 2017 ,10:00 ص

5 نصايح تساعد ابنك ينام لوحده


قلق الطفل، وعدم احساسه بالامان من ضمن الاسباب اللى تجعله يفضل ينام جمبك على السرير بدل من انه ينام لواحده، وعلى الرغم من ان الموضوع بيكون صعب في البداية انه يتعود على النوم بمفرده، الا ان في بعض النصايح تساعدك تحلي المشكلة بكل بساطة.

1- عوديه ينام لواحده من غير تلفزيون

كتير من الاطباء بيأكدوا ان الأطفال اللي بيتعودوا على النوم مع التلفزيون او التابلت، بيكون نومهم صعب جدًا اكتر من المعتاد، علشان كده لازم تخرجي الاجهزة دي من الاوضة، ويفضل تكون الاضائة هادية علشان تساعديه ينام لواحده في هدوء.

2- يعمل روتين قبل النوم

خليه ياخد حمام، ويغسل اسنانه، ومن ضمن الحاجات اللى بتساعد هى قراية القصص، الطريقة دي بتعد الأطفال نفسيًا للنوم، وبتقلل من مستوى القلق والتوتر، وبتساعده ينام بشكل افضل.

3- قللي وجودك في اوضته

لان لازم ينام لواحده في اوضة منفصله، حتى لو هتنامي معاه في نفس المكان لازم يكون في سرير بعيد عنه تمامًا علشان يقدر يتعود على النوم من غير مساعدتك.

4- حسسيه بالامان

بلاش تحكيله حكايات عن الوحش اللي بيطلع من تحت السرير، او اي نوع مخيف، وبالتالي بيكون نومه لواحده صعب جدًا.

5- لو بيقوم من السرير بتاعه لازم ترجعيه
لازم فى كل مرة يعمل كده ترجعيه تانى لمكانه، غير كده بيكون سبب في ان الطفل يفشل ينام لواحده.



قولى رأيك

تابعنا علي فيسبوك