التبول اللاإردى .. نصايح مهمة للتعامل مع طفلك

بواسطه رضوى الشاذلى السبت , 21 أكتوبر 2017 ,1:02 م

التبول اللاإردى نصايح مهمة للتعامل مع طفلك


التبول اللاإرادي مشكلة منتشرة جدًا بين الأطفال، ودايمًا بيكون في المرحلة العمرية ما بين 4 الى 12 سنة، بس المهم انك كأم تعرفي تفرقي بينه وبين سلسل البول، وفي حالات بتتحل لوحدها، لهلوبة بتقدملك نصايح للتعامل مع المشكلة دي.

1- مهم ان يكون نور الحمام مفتوح، ولو حتى ضوء خافت، علشان يساعده بليل انه يوصل بسهولة ومن غير ما يخاف.

2- اتأكدي ان طفلك استخدم الحمام قبل ما يروح للسرير، وقوليله انه ضروري يروح الحمام بليل لو احتاج.

3- افردي على السرير مشمع، علشان يحمى السرير من التبول اللاإرداي.

4- ممكن تستخدمى الملابس الداخلية اللي فيها داعم من تسرب البول، واللي بتكون فى الاصل شبه الملابس العادية، ودي مهمة في فترة النوم.

5- في حالة ان ابنك حصل له تبول لا ارادى بليل، مهم قبل ما تلبسيه البيجامة النضيفة، لازم يروح الحمام الاول ويتأكد انه مش عايز يستخدمه تاني قبل ما يرجع ينام.

6- افتكري دايمًا ان ده بيكون خارج عن ارداة الطفل، بلاش تعاقبية عليه، واصبري عليه وحاولي تدعميه.

 

موضوعات متعلقة:

أسباب كثرة التبول.. مرض السكر ليس من ضمنها



قولى رأيك

تابعنا علي فيسبوك