فواكه بلاش تخلطيهم مع بعض لصحة طفلك

بواسطه شيرين مصطفى الخميس , 23 أغسطس 2018 ,6:59 ص

فواكه بلاش تخلطيهم مع بعض لصحة طفلك


 
فواكه بلاش تخلطيهم مع بعض لصحة طفلك، من المعروف إن كل أنواع الفاكهة مفيدة لصحة الأطفال اللي لسه في مرحلة النمو، لكن لازم تركزي في الخلط بين أنواع معينة من الفاكهة مع بعض، وخصوصا اللي ولادك بيحبوا المزج بينهم، لأن في فواكه معينة مينفعش تتخلط ببعضها، لأنها هتضر الطفل وممكن تسببله أمراض، وده عكس اللي عايزين من فايدتها، ومن الفواكه دي:
1- البابايا مع الليمون:
تعتبر مزيج قاتل، لأنه ممكن يعمل مشاكل في هيموجلوبين الدم، كمان ممكن تزود خطر الإصابة بمرض فقر الدم.
2- البرتقال مع الجزر:
خليط البرتقال مع الجزر بيسببوا ضرر في النظام الكلوي وأمراض تانية كتيرة زي حرقان المعدة والصفرا.
 
3- الجوافة مع الموز:
تناول الجوافة مع الموز بيخلي الكبار والأطفال يحسوا بالغثيان بسبب الغازات الموجودة في المعدة، كمان بيسببوا الصداع وأمراض في المعدة.
4- الرمان والمشمش:
السكريات الموجودة في الرمان، والبروتين الموجود في المشمس، بيسببوا مشاكل في المعدة، لان السكر ليه تأثير سلبي في الإنزيمات اللي بتهضم البروتين وبالتالي بيبطئ عملية الهضم.
 
5- البرتقال مع اللبن أو الشوفان:
من الأفضل متخلطيش البرتقال بالحليب أو بالشوفان، لإن الحمض الموجود في البرتقال بيدمر الإنزيمات المسؤولة عن هضم الحبوب وبتبوظ الحليب وبتخليه عبارة عن مادة عاملة زي المخاط لازقة في الجسم وبالتالي بتسبب الأمراض لأطفالك.

موضوعات متعلقة:

 

فوائد فاكهة الكمثرى.. تخفض الوزن وتحصن القلب

 



قولى رأيك

تابعنا علي فيسبوك