شريف مدكور: "الهدوم بتحبني لما بلبسها والموضة العالمية لا تناسبني"

يعتبر الإعلامي الكبير شريف مدكور، واحد من أشهر مقدمي البرامج الخاصة بالموضة والفاشون والأزياء، لذا كان من الطبيعي أن نسأله في حواره مع "لهلوبة" عن مدى تناسق ملابسه مع الموضة العالمية، وهل يفضل أن يكون متماشي مع الموضة العالمية بما إنه إعلامي للبرامج النسائية التي تهتم بالموضة كثيرًا.

أوضح شريف مدكور، خلال الحوار، حول هل اختيار ملابسه يجب أن تتماشى مع الموضة، قائلًا: "بحب لبسي يبقى شبه شريف، وعمري ما هشوف حد لابس حاجة هنزل أجيب زيها، والموضة العالمية مش مناسبة ليا.. أنا ماليش دعوة بالموضة أنا ليا دعوة بالحاجة اللي بتناسبني".

وأكمل "مدكور" حديثه، عن الأزياء الموضة التي لا تناسبه، قائلًا: "مابعرفش ألبس البنطلونات الاسكيني الماسكة أوي ومابعرفش ألبس البدل الجديدة مش هعرف أتحرك وما تناسبنيش فبلبس البدل القديمة".

وأكمل "شريف" حديثه حول موضع الموضة، قائلًا: "أنا بحس أن الهدوم بتحبني لما بلبسها".

ومن ناحية آخرى، تحدث شريف عن الأنثى، وعلق حول فكرة هل الكعب العالي يعد رمز للأنوثة، قائلًا: "أنا بكره الكعب العالي وصوته بينرفزني جدًا.. أنا مش عارف أنتوا بتلبسوا الكعب العالي إزاي ضهركوا مش بيوجعكوا!؟".

وأكمل، بخصوص الكعب العالي، قائلًا: "في ستات وهما لابسين كعب عالي شكلهم حلو لكن دول مش في مصر لأن الكعب العالي عايز جسم بمواصفات معينة تلبسه".

وصرح شريف مدكور، بأنه يحب السيدات البُدناء، ولكن الكعب العالي يناسب السيدات الرفيعة أكثر.

وتحدث "مدكور"، حول ملابس السيدات التي يفضلها، قائلًا: "أنا بحب جدًا البنت تلبس فستان وجيب.. زي فساتين سعاد حسني وفاتن حمامة المنفوشة بحس فيها أنوثة".

وبالنسبة لابتعاد السيدات عن ارتداء الفساتين، صرح "مدكور" عن السبب، قائلًا: "لو واحدة لبست فستان في الشارع بتبقى قلقانة وتقول خلينا في البنطلون.. أما في بلاد برا بيركبوا المواصلات بالجيب القصيرة والفساتين وبيركبوا المواصلات وبتروح وتيجي ولا حد بيبوصلها".

وتحدث شريف حول الملابس المصرية التقليدية التي يحبها على السيدات، قائلًا: "أنا بحب الستات تلبس ملابس تراثية لكن المجتمع المصري معندهوش زي قومي أو تراثي موحد نلبسه في أعيدانا".

وأختتم حديثه، حول الموضة التي ظهرت مؤخرًا للسيدات ولم يفضلها، وأوضح قائلًا: "في موضة المناكير الأسود والأزرق والأخضر دي موضة مش مقتنع بيها ومش حاببها ومش فاهمه.. وموضة الميكب الأسموكي".

موضوعات متعلقة:

شريف مدكور يقترح بدائل موفرة للحمة والفراخ

شريف مدكور: أنا لا أؤمن بـ"الموضة" والبيوت المصرية فقدت هويتها من 70 سنة

شريف مدكور يذكر أفضل طريقة للحفاظ على وزن مثالي دائم

شريف مدكور: "أنا شايف أني شخص لهلوب والرجالة اللي ما بتساعدش في شغل البيت فرافير"

شريف مدكور: "الست اللي بتهمل في جمالها علشان بيتها بترتكب مصيبة في حق نفسها"