كيف يعتني شريف مدكور بملابسه ليعيش البلوفر معه 9 سنوات

بواسطه إسراء صادق الاحد , 25 مارس 2018 ,1:10 م

كيف يعتني شريف مدكور بملابسه ليعيش البلوفر معه 9 سنوات


خلال وجود الإعلامي شريف مدكور في ضيافة "لهلوبة"، سألناه إذا كان معتاد على المساعدة في أعمال المنزل أم لا، وما الذي يحرص على فعله بنفسه، وكانت إجابته كالتالي:

قال الإعلامي شريف مدكور أنه لا يستطيع الطبخ نهائيًا، ولكنه يجيد تسخين الأكل بطريقة جيدة، وهناك أشياء يحرص على فعلها بنفسه دائمًا كغسيل ملابسه.

وأوضح شريف: "انا بحب اغسل هدومي بنفسي لأن أنا شخص مش بيشتري هدوم كتير، بشتري هدوم قليلة أوي، ويوم ما بشتري هدوم بدفع فيها فلوس كتيرة أوي، فبحب أحافظ عليها".

واستكمل: "البلوفر اللي أنا لابسه ده بقاله 8 أو 9 سنين، وعلشان يفضل كده لازم انا اللي اغسله وابقى عارف إنه هيتغسل بمايه ساقعة، وهيتنشر بطريقة معينة علشان مايمطش، أو يبوظ، وكمان كوي الهدوم كتير بيضعف خيوطها".

وأشار إلى ما يؤدي لتلف الملابس سريعًا قائلًا: "الهدوم مش المفروض تتغسل كتير، مش المفروض تتنشر في الشمس، مش المفروض تتنشر على شماعة، المفروض تتطبق وتتشال بطريقة معينة، يعني لما بخلص الشتاء بشيل البلوفرات دي بطريقة معينة، بحيث يكون في ورقة زبدة بين طبقات البلوفر، وعشان كده الهدوم بتعيش عشرات السنين".

وأضاف: "أنا عندي بلوفر طلعت بيه على الهوا قريب كنت جايبه سنة 89 وأنا في المدرسة، وانا جسمي ما اتغيرش، أنا كنت أضخم من كده شوية بس".

 

 

موضوعات متعلقة:

نهال عنبر تزور شريف مدكور بالمستشفى وتطمئن جمهوره عليه

شريف مدكور أنا شايف أني شخص لهلوب والرجالة اللي ما بتساعدش في شغل البيت فرافير

شريف مدكور الست اللي بتهمل في جمالها علشان بيتها بترتكب مصيبة في حق نفسها

شريف مدكور طريقة تربية الأمهات للأبناء الذكور سببًا رئيسيًا لكثرة حالات الطلاق

شريف مدكور يتحدث عن أخطاء التربية ويروي قصة فتاة انتقمت من أهلها بطريقة صادمة



قولى رأيك

تابعنا علي فيسبوك