متابعة تهاجم الفنان محمد عطية بسبب والدته.. ما الحكاية؟

بواسطه هند جمال الأربعاء , 13 أكتوبر 2021 ,11:01 ص

متابعة تهاجم الفنان محمد عطية بسبب والدته ما الحكاية


نشر الفنان محمد عطية صورة له، كشف بها عدد الوشوم بجسده، وذلك عبر حسابه الرسمي بموقع التواصل الاجتماعي "انستجرام".

وعلق عطية على الصورة قائلا: "إمبارح عملت رابع تاتو ف جسمي، أكتر تاتو كان نفسي أعمله، سامية اسم أمي، أهم شخص ف حياتي والإنسانة الوحيدة اللي تستاهل يكون اسمها على جسمي ما يطلعش منه، أمي هي أقرب صديق ليا، بتعرف تتقبلني مع كل تغيير بيحصل في تفكيري وف حياتي حتى لو مش متناسب مع أفكارها وتقاليدها وعادتها".

وأضاف: "أمي عرفت تعمل اللي أغلب الناس في مجتمعنا فشلوا يعملوه، قدرت تفهم مقولة من أكتر المقولات اللي صعب الناس تعرف تطبقها وهي لا تربوا أولادكم كما رباكم آباؤكم، فقد خلقوا لزمان غير زمانكم.. أمي عارفة كل أسراري وملجأ ليا في أي أزمة".

تابع: "مهما كبرت بفضل ضعيف من غيرها، أي حاجة وصلتلها وأي حاجة قدرت أحققها هي كانت سبب مباشر فيها، أمي هي الشخص اللي فضل مؤمن بيا حتى في الوقت اللي أنا فيه فقدت الأمل والثقة في نفسي، أول مكالمة تليفون لأي شغل بيجيلي بتكون ليها، الدعوة اللي بتدعيهالي في أخر كل مكالمة قادرة تحول أي مشكلة أو هم لشيء سهل وبسيط، سامية أكتر حد فاهمني ومستحملني بكل عيوبي وأخطائي".

محمد عطية

إلا أن أحد المتابعين هاجم الفنان محمد عطية قائلا: "أنت حر أولًا وأخيرًا بس متقولش عادي على حاجة بتعملها حرام، قول متعملوهاش وادعولي بالهداية بس كده، لكن المجاهرة بالذنب أقبح من الذنب نفسه، كلنا بنغلط بس مش بنقول عادي نغلط ونفتخر قدام الناس، ربنا يهديك ويهديني ويهدينا جميعا".

ليرد عليها الفنان قائلا: "لا أنا بقول اللي بعمله ومش بداریه وفخور بیه ومتحمل نتيجة أفعالي.. ما حدش بيشيل ذنب حد".

وقالت متابعة أخرى: "أنا بحترمك ودي حريتك بس يا ريت حتى لو بتعمل حاجة ماتقولش عادي عليها، ما دام عارف إنها حرام، وعلى فكرة بلاش تدينا فكرة إن الممثلين كلهم بتفكيرك لأن بجد فيه ناس محترمة كتير وأنت منهم، وأنا بجد من زمان من وأنا طفلة بتابعك وطول عمرك تضحكني ومثال لأي فنان ماعملش فن خادش للحياء، فیاریت تكون حلو للآخر لأن العبرة بالنهاية لأنها مش روشنة إنك تغيظنا وتقول عادي لمجرد أن ده تفكيرك، وربنا يوفقك يارب في كل حياتك ويحفظ والدتك".

ليرد عليها محمد عطية قائلا: "أنا ما بحبش أتدخل في حياة حد ولا أحب حد يتدخل في حياتي.. المعجب في مجتمعنا عاوز الفنان يمشي على أفكاره وتقالیده یا إما يبقى مش معجب ويبقى الفنان مش مرن.. يعني اللي فوق ما بيحبوش ممثلين أجانب؟؟ بس إزاي إحنا لازم نقرف بعض ونحط مناخيرنا في حياة بعض"

موضوعات متعلقة:

محمد عطية يرد على خبر انفصاله عن ميرنا الهلباوي بصورة!

ميرنا الهلباوي تثيرالجدل بأول تعليق لها بعد انفصالها عن محمد عطية ماذا قالت؟



قولى رأيك