غيري فكرته عن ملل المذاكرة بالمرح

بواسطه نورا جمال الاحد , 15 أكتوبر 2017 ,11:23 ص

غيري فكرته عن ملل المذاكرة بالمرح


دايما الأطفال بيقعدوا يذاكروا لساعات طويلة للامتحانات، وآبائهم بيعزلوهم عن اي حاجه من حواليهم غير النظر للكتاب، لكن الضغط دا بيولد احساس بالملل، وفي الحقيقة رغبتهم بتكون تصفح الفيس او مشاهدة فيلم واي حاجة فيها متعة مش بيلاقيها في الدراسة، وعلشان كده لهلوبة جبتلك مجموعة نصايح تحسس اولادك بالمرح والسعادة وقت المذاكرة.
 
 
1- لو ابنك حس ان الكل بيستمتع بوقته وهو الوحيد اللي بيعمل حاجة مش بيحبها، اقعدي جنبه وقت المذاكرة وحاولي تشغلي وقتك بقراءة كتاب كنوع من المشاركة المعنوية، لحد ما يكبر شوية ويفهم يعني ايه مسئولية المذاكرة.
 
2- لو لسه في المراحل التمهيدية علميه عن طريق اللعب يعني استخدمي قطع الشوكولاتة لتعلميه العد والفواكة لتعليمه الألوان وبعض الخضروات او الالعاب للجمع والطرح.
 
3- اعملي لوحة تشبه الجدول وعلقيها في اوضته وسميها لوحة المكافات علشان كل ما يعمل حاجه ايجابية او تستحق الشكر الزقي فيها ستيكر بشكل نجمة، وكل ما يكون 5 نجوم كافئيه بقطعه من البون بون او التوفي علشان تشجعيه يعمل حاجات كويسة دايماً.
 
4- اتركيه يتستمع بادواته المدرسية الجديدة واحرصي على انك تشتري له كراسات عليها رسومات شخصياته الكرتونية المفضلة واقلام بألوان مختلفة.
 
5- ضعي وقت معين للمذاكرة يلتزم بيه زي مثلا ان وقتها يكون من 5 ل 7 علشان يقدر يتفرج علي الكارتون اللي بيحبه بعدها وعرفيه ان كل ما يجتهد هيقدر يتابع المسلسل اللي بيحبه، وده بينمي عنده حس الالترام وتحمل المسؤولية.
 
6- زي ما خصصتي وقت للمذاكرة ووقت لمشاهدة التلفويون اتركي وقت مفتوح في نهاية الاسبوع يمارس فيه النشاط اللي بيحبه.
 
7- اكتشفي ابنك بيحب ايه في المواد الدراسية وسهل عليه استيعابها وابدئي بيها المذاكرة علشان يحس بالانجاز، يعنى تدرجي فيها من الاسهل للاصعب.
 
8- ضعي بينك وبين المدرسين تواصل مستمر علشان تقدري تعرفي ايه المواد السهلة على ابنك وايه الصعب عليه وتقدري تقوي نقط ضعفه الدراسية.
 
 
موضوعات متعلقة:
 



قولى رأيك

تابعنا علي فيسبوك