هجوم ناري من عمرو أديب لمحمد رمضان.. والأخير يرد: "بس يا بابا"!

بواسطه روضة إبراهيم الاحد , 11 إبريل 2021 ,12:36 م

هجوم ناري من عمرو أديب لمحمد رمضان والأخير يرد بس يا بابا


عقب صدور حكم على الفنان محمد رمضان بإلزامه بدفع ستة ملايين جنيه للطيار أشرف أبو اليسر، والذي تسبب في أزمة له أدت لإيقافه عن العمل عام 2019، ظهر محمد رمضان وهو يلقي بأمواله في حمام السباحة، في إشارة منه لعدم أهميتها بالنسبة له، وهو ما أثار الجدل والهجوم الكبير عليه، وكان الإعلامي عمرو أديب من بين من فتحوا النار على رمضان، وهاجمه بشدة في برنامجه "الحكاية" على قناة MBC مصر.

فقد عبر عمرو أديب عن استيائه من تصرفات محمد رمضان المستفزة التي لا تنتهي، مؤكدًا أنه دائمًا ما يتعمد استفزاز الجمهور والشعب المصري، قائلًا: "كان في قضية بين الفنان محمد مضان والطيار أبو اليسر، الطيار كان رافع قضية عايز تعويض، المحكمة حكمت له بـ 6 مليون جنيه، وما كان من نمبر وان الاستاذ محمد رمضان غير إنه نشر فيديو مستفز جدًا لشعب مصر، قاعد في البيسين بيرمي فلوس أو دولارات في المية، طبعا الدولارات حقيقية أو غير حقيقية ده مش موضوعنا، لكن شيء مستفز، هو بيقولنا إيه، الفلوس دي على الجزمة، إن النعمة دي متفرقش معاه، أنا الفلوس عندي متفرقش في حاجة".

محمد رمضان يلقي بأمواله في حمام السباحة

ووصف الإعلامي البارز محمد رمضان بأنه أصبح عدو نفسه، ودائمًا ما يسير حفيظة عدد كبير من الجمهور، قائلًا: "متفهمش دماغه فيها إيه بيفكر إزاي، عاوزه يشرحلي بيفكر في إيه لو الفلوس متهمكش اتبرع بيها لحد، إديها للطيار تعويض عن المصيبة اللي أنت عملتهاله".

محمد رمضان يثير الجدل من جديد ويستعرض أمواله بعد أسطول سياراته وطائرته الخاصة

وأكمل عمرو أديب هجومه على "رمضان"، قائلًا: "يا نمبر وان أنت مش ملاحظ إن بقالك سنة بتعمل مصايب، بقالك سنة بتطلع من حدوتة لحدوتة والناس اللي أنت استفزتها دي بتبلعلك أي حاجة ويقولوا ميقصدش، المرة دي الناس مش مستحملة، أنت في بلد ظروفها صعبة".

وأضاف: "أنت ربنا باركلك وبقى عندك فلوس، على فكرة مش أنت بس يا محمد اللي عندك فلوس في ناس عندها ومبيعملوش كده، واللي ادهالك قادر يسحبها منك في ثانية، قبضة واحدة في مرة فجأة كل ده يضيع ويروح، ليه استفزاز الناس، يا محمد اللي كنا بنحسبه موسى طلع فرعون".

واختتم أديب كلامه، قائلاً: "الناس اللي أنت استفزتهم دول هما اللي عملوك وأنت جزء كبير منك صناعة سوشيال ميديا، وإيه المانع أنك تعتذر للناس وتقولهم مقصدش، يا ابني اهدى وأرجع لعقلك وبلاش غرور، ناس كتير أعظم منك وضاعوا في ثواني، شوف خالد النبوي لما تعب شوية مصر كلها واقفة على رجل لأن الناس بتحترمه، حاول تبقى أوعى من كده شوية يا محمد".

وبعد هجوم عمرو أديب الناري على محمد رمضان، رد الأخير عليه بسخرية، حيث نشر مشهد له من مسلسله "الأسطورة"، عبر حسابه الشخصي على موقع الصور "إنستجرام"، وكان قد وضع عليه صوت عمرو أديب على الفيديو وهو يهاجمه في برنامجه بقوله: "يا محمد اللي بنحسبه موسى طلع فرعون"، ليرد محمد رمضان عليه بجملته الشهيرة في المسلسل: "بس يا بابا".

 

موضوعات متعلقة:

أزمة جديدة لمحمد رمضان بسبب تهربه من دفع ثمن ملابسه!

بالمكياج فتاة تقلد الفنان محمد رمضان في مسلسل موسى لن تصدق!

محمد رمضان يحدث ضجة بأحضانه وقبلاته لهذه الإعلامية!

أول رد لمحمد رمضان بعد تصريح عمرو أديب بمقاضاته السخرية مستمرة!



قولى رأيك

تابعنا علي فيسبوك