اكلات ترجعلك صحتك بعد الولادة .. جربيها

بواسطه رضوى الشاذلى الإثنين , 21 أغسطس 2017 ,11:59 ص

اكلات ترجعلك صحتك بعد الولادة جربيها


كل ست فى الدنيا حلمها ان يكون عندها طفل، لكن تجربة الأمومة من اصعب التجارب اللى بتترك اثر على جسم المرأة، وبينتج عنها تغيرات كتير على مستوى الهرمونات والعاطفة، وعلشان تستردي صحتك بعد الولادة لازم تركزي على الاكلات دي، اللي لهلوبة هتقولك عليها، وهي:

- الشوفان:

مصدر مهم للكربوهيدرات والكالسيوم والحديد والبروتينات، كمان الألياف اللي موجودة فيه هتبعد عنك الامساك في الايام الاولى للولادة، علشان كده لازم يكون ضمن الاكلات الخاصة بيكي بعد الوضع.

- الكركم:

ليه كتير من الفوايد، مثلا بيساعد على التئام الجروح بسرعة أكبر، وبيحمى الجلد من الالتهاب ويعبتر وقاية من الحساسية، ده غير ان فيه كتير من العناصر المغذية وفيتامينات زي "ج"، و "ب6".

- الزنجبيل:

المجفف أو الطازة، مهم جدا تستخدميه بعد الولادة، لانه فيه مضاد للالتهابات، وليه دور كبير فى احساس جسمك بالانتعاش، ومهم تضيفيه على الاكل زي شوربة الفراخ واللحمة ولحظي الفرق.


- عدس:

يعتبر مصدر ممتاز للبروتين والفيتامينات والمعادن، غير انه طعمه حلو جدا، ممكن تاكليه مع السلطة أو الاطباق المفضلة ليكي، أو تعمليه شوربة، مفيد جدا بعد الولادة لأنه كمان سهل الهضم. 



قولى رأيك