نشوى مصطفى تهاجم فنانة معتزلة: عيب والله ده أنتِ كلتي معاهم عيش وملح!

بواسطه هند جمال الإثنين , 6 إبريل 2020 ,10:17 ص

نشوى مصطفى تهاجم  فنانة معتزلة: عيب والله ده أنتِ كلتي معاهم عيش وملح


هاجمت الفنانة نشوى مصطفى، الفنانة المعتزلة ميار الببلاوي، بسبب انتقاد الأخيرة للفنانين الذين يقومون بتصوير الاعمال الدرامية في الوقت الحالي لعرضها خلال شهر رمضان، وقيامها بالسخرية من الراقصة دينا، لتأكديها مواصلة التصوير رغم تفشي فيروس كورونا .

وكتبت نشوى مصطفى على موقع التواصل الاجتماعي "فيسبوك": "ودي زميلة ممثلة ومش معتزلة على فكرة، لأن قريب كانت بتمثل عادي، والأخت مش عارفة إنه حرام تغتاب زميلة ليها وحاطة صورتها.. لا حول ولا قوة إلا بالله".

وأضافت: "هو أنت يا ميار اعتزلتي التمثيل؟، أصلك لحد قريب كنت عارفة أنك بتمثلي عادي حتى لو في رمضان، وبعدين الممثلين يضيعوا عليكِ رمضان ليه؟ أنتِ عاقلة بالغة، وبعدين يا ستي اجتهدي وقاومي زمايلك الشياطين اللي بيلهوكي عن عباداتك علشان الجهاد ثوابه كبير، ربنا يرزقك الجنة ويهدي زمايلك الأشرار، يا ميار حرام تستعدي الناس على زمايلك وتقولي للناس مين معايا".

واردفت: "عيب والله ده أنتِ كلتي معاهم عيش وملح، ادعي بالهداية لكن غيبة ونميمة لأ، كوني قدوة وسيبك من لم اللايكات، وادعي ربنا يتقبل طاعاتك ويغفر لك ذنوبك، غفر الله لنا ولكِ، وعلى فكرة شيلي صورة دينا علشان حرام عليكِ ده بيسمى في الإسلام غيبة لأنها متعرفش أنك حاطة صورتها، وبعدين اتقي مكر الله يا ميار إن مكر الله شديد، لا تزكوا أنفسكم هو أعلم بمن اتقى".

وكانت الفنانة ميار الببلاوي قد نشرت صورة على "فيسبوك" للراقصة دينا ووعلقت عليها قائلة: "بجد مقدرين تضحياتكم الفظيعة في سبيل شهر ربنا شهر الرحمة والمغفرة والصلاة والصوم والذكر إنكم مصممين تضيعوه علينا، كأن رمضانكم غير رمضانا استغفر الله كان رمضان مش هيبقى رمضان من غير المسلسلات والمسابقات واللهو اللي أغضب ربنا علينا، العمرة اتمنعت والأذان والمساجد اتقفلت رحمة ربنا اللي محتاجينها دلوقتي اللجوء ليه مش لمسلسلاتكم، حتى لو صحابي هيزعلوا مني بس ربنا بيقولكوا سيبوا رمضان لأهل رمضان، اتقوا الله علشان يجعل لنا مخرج ويرفع الوباء والبلاء، مين معايا يا جماعة".


موضوعات متعلقة:

نشوى مصطفى تهاجم هذه الفنانة بسبب مسلسلات رمضان من هي؟

نشوى مصطفى تبكي على الهواء كان معايا فلوس بس مفيش مستشفى عاوزة تقبلني ما القصة؟!

تطورات الحالة الصحية للفنانة نشوى مصطفى

نشوى مصطفى تحلم بهذا الفنان وشئ غريب يحدث بعد الحلم!


قولى رأيك

تابعنا علي فيسبوك