اعرفي شخصيتك من كف ايدك

بواسطه علياء المحمدى الثلاثاء , 19 سبتمبر 2017 ,2:16 م

اعرفي شخصيتك من كف ايدك


قراية الكف علم معروف من زمان جدا، في ناس بتتخيل انه يقدر يكشف المستقبل، لكن الحقيقة ان شكله وتصميمه بيحدد نوع الشخصية وده اللي قاله خبير قراية الكف الأمريكي، كاي باكارد.
 
ووضح ان اليد اللي بيستخدمها الشخص اكتر بتحدد صفاته الشخصية، اما التانية بتحدد اسلوبه في التعامل مع الناس المقربة بالنسبة له، بالاضافة الى ان الصوابع القوية بمعني المستقيمة والمشدودة بتختلف عن الضعيفة اللي بتبقى مايلة أو فيها انحناء، زي ان: 
 
الابهام القوي، معناه انك بتسعى للنجاح والتفوق المهني.
السبابة القوية، بتعبر عن حب الشخص للقوة والسيطرة.
الوسطى القوي، بيدل على المسئولية والثقة والحكمة.
البنصر، بيدل على الفن والابداع.
الخنصر، بيدل على القدرة على التعبير والتواصل.
 
شكل نهايات الصوابع بيحدد بعض الصفات بردو زي:
المدور، بيعبر عن الشخص اللي بيسعى للسلام والمحبة بينه وبين الكل
المربع، راس الصباع الفلات بتعبر عن شخصية محددة وبتكره الكلام العام اللي بيفتقد التفاصيل.
المدبب، الصباع المدبب  بيدل على الشخصية اللي بتحب المغامرة اللي ممكن تسيب الاستقرار علشان تكتشف المجهول.
المنفرج: في ناس شكل ضوافرهم بيبقى رفيع من تحت ومنفرج عند نهاية الصباع ده بيعبر عن شخصيات بتحب التجديد وحب التجارب الجديدة. 
 
المسافات بين الصوابع:
افرد كفيك على سطح مفرود وشوف العلامات دي:
- لو كبيرة وبعيدة ده معناه انك شخص مستقل وبتحب التجارب.
- لو قريبة والصوابع جنب بعض معناه إنك شخص حريص وعاقل ومتصالح مع نفسك.
لو البنصر بعيد عن الوسطى ده معناه إنك شخص صعب الاقناع أما لو قريبين ده معناه إنك ملتزم بالقواعد والتقاليد.
لو المسافة بين الخنصر والبنصر كبيرة ده معناه إنك شخص بيهرب من المناقشات الجادة والقرارات أما لو متوسطة ده معناه إنك مستقل في تفكيرك ومغامر في قراراتك. 
 
موضوعات متلعقة:



قولى رأيك