طرق طبيعية لخفض الحرارة عند الأطفال

بواسطه رضوى الشاذلى الإثنين , 30 أكتوبر 2017 ,10:07 ص

طرق طبيعية لخفض الحرارة عند الأطفال


 

ارتفاع درجة الحرارة عند الأطفال من اسوأ المواقف اللى ممكن تتعرض لها الامهات، خصوصًا بسبب ان دايمًا السخونية لها كتير من الاثار السلبية على الصحة ولها مضاعفات اكبر، علشان كده هنقولك على بعض الوصفات الطبيبعة اللي تساعدك تحمي ابنك من مخاطر ارتفاع درجة الحرارة.
 
- المياه الباردة:
- انقعي قطعة من القماش فى ميه باردة، وتعصريها كويس، وتفرديها على اجزاء من جسمه زي الابطين والرجلين، واليدين ومنطقة الفخد، علشان تنزلي من درجة الحرارة.
 
- ممكن تضعي قطعة القماش الباردة على الجزء الخلفي من الرقبة، ولازم تغيرها كل شوية، علشان تساعد في تقليل درجة الحرارة، ويكون لها نتيجة ايجابية.
 
- الميه البادرة ممكن تكون دش ساقع لطفلك بيساعده في تقليل درجة حرارة الجسم، وبيمنحه الاسترخاء.  
 
ملاحظة: بلاش تستخدمي الميه الباردة جدًا، لانها ممكن تكون سبب في ارتفاع درجة حرارة الجسم الداخلية.

طريقة خل التفاح لخفض درجة الحرارة:
خل التفاح من ضمن الطرق غير المكلفة لعلاج ارتفاع درجات الحرارة، ويوجد به احماض قادرة على امتصاص الحرارة من جلد طفلك، بالاضافة ان فيه معادن كتير بتفقد الجسم الحمى او الحرارة المرتفعة.
 
طريقة استخدامه:
- نضيف في البانيو نص كوباية من الخل إلى الميه الفاترة، وتفردي جسم طفلك فيه لمدة 10 دقايق، بعد 20 دقيقة من التجربة دي بتلاحظى ان السخونية او الحرارة خفت بشكل تدريجي، وممكن تكرريها علشان تنزل درجة الحرارة بشكل نهائى.
 
- ممكن تنقعي قطعة من القماش فى الميه المخلوطة بالخل، وتفرديها على الجبين والبطن، او على قدم طفلك، بتساعد فى سحب الحرارة من الجسم.
 
- فى طريقة تانية بتساعد في القضاء على الحمى، وهو خلط ملعقتين من خل التفاح على ملعقة من العسل على كوباية ميه، وتتشرب من مرتين الى 3 في اليوم الواحد. 

 

 

موضوعات متعلقة:

تحاميل الاطفال للحرارة.. احذري منها

وصفات طبيعية من مطبخك لخفض درجة الحرارة

نصائح للتعامل مع حساسية الصدر عند الاطفال



قولى رأيك

تابعنا علي فيسبوك