صورة للفنانة هيفاء وهبي تحدث جدل بمواقع التواصل الاجتماعي.....ما الحكاية!

أثارت صورة للفنانة هيفاء وهبي، تم التقاطها في حفلها بموسم الرياض بالمملكة العربية السعودية، حالة كبيرة من الجدل، حيث ظهرت فيه الفنانة بملامح غريبة جعل البعض يرجح خضوعها لعملية جراحية غير ناجحة، ولكن الحقيقة أن السبب الرئيسي كان ضعف جودة الاضاءة أثنا التقاط الصور.

وقامت الفنانة فيفي عبده بعمل بث مباشر عبر حسابها الرسمي على موقع التواصل الاجتماعي"إنستجرام"، عبرت فيه عن استيائها من السخرية التي تعرضت لها هيفاء وهبي قائلة: "متضايقة جداً من الكلام اللي بتقول على هيفاء، هي طول عمرها زي القمر ومن الستات الباربي، الإضاءة مكنتش كويسة، وهيا خاسة شوية دا لوك ومن حق الفنان يعمل اللي هو عايزه أمال ليه فنانين عشان الناس تقليدها يا جماعة، عمالين ضجة ليه وأدي وهبي فين هيفاء، أهو ده اللي أنتو فالحين فيه".

وقالت الإعلامية ياسمين عز،من خلال برنامجها “كلام الناس”، الذي يذاع على قناة mbc مصر، قائلة: "الست في الحقيقة فلقة قمر، وعندها جمال الشكل والروح والكاريزما، كلمني عن الأدب وهي بتتكلم، عن الثقة بالنفس والاحترام في ردها على الصحافة، أو كلمني عن الرزانة ولغة الجسد المظبوطة وحركتها على المسرح، وطلتها المحتشمة لكن في نفس الوقت حلوة وفيها جاذبية، هي ما شاء الله القالب غالب وجسمها لبيس، في ثوابت مينفعش نخبط فيها، منها هيفاء وهبي وجمالها، الست دي أمها مصرية سمراء جذابة روحها حلوة، وأبوها لبناني أشقر عيونه خضرا وحاجة أجنبية، الخلطة دي طلعت حاجة اسمها هيفاء وهبي".

كما علقت مروة صبري خلال برنامج "قعدة ستات" قائلة: "الرجالة طول الوقت يفرجوا ستاتهم على هيفاء وهبي ويقولولهم شوفوا هيفاء، دلوقت بقى هما اللي يفرجوا رجالتهم ويقولولهم هي دي هيفاء؟ على فكرة أنا قابلت هيفاء في الساحل ومشفتش في جمالها الحقيقة قعدت أتأمل فيها ساعة وأقول أيه الجمال ده ماشاء الله وشها وجسمها مفيهمش غلطة".

واختمت:"أكيد حد وصى عليها عشان يصورها من الزاوية الوحشة والضلمة دي ويطلعها بالشكل ده، جربوا بنفسكم تتصوروا صورة بدون إضاءة وشوفوا شكلكم هتطلعوا إزاي".

أما محمود المهدي طليق الفنانة منة عرفة علق على الأمر قائلا: :كمية تنمر على شكلها من امبارح مش طبيعية كلنا هنوصل السن ده وتجاعيد وشنا هتبان وهنكبر، وفي مننا وصل لكده من الهم والتعب والمرض وأهلنا وصلوا لكده دي سنة الحياة والبنات الكتير اللي بتتنمر عليها دلوقتي هيبان على أغلبكم بدري لإنه هيكون بعضهم مش معاها تعمل عمليات تجميل، اللي بيفضل روح الشخص ياجماعة عمرها ما كانت بالشكل ودائمًا الناس اللي بتختار الشكل ومبيفرقش معاها الروح بتخسر في الأخر، بقينا بنهتم بالمظاهر ونسينا المضمون زي ناس كتير بتلبس ماركات ولبس نضيف ومن جواها ماتتعاشرش".

موضوعات متعلقة:

هيفاء وهبي تحدث ضجة بأول فيديو لها على التيك توك

انسحاب هيفاء وهبي من مسلسل يسرا الجديد والسبب؟

هيفاء وهبي تبعث رسالة شديدة اللهجة للجميع ما الحكاية؟

هيفاء وهبي في لقاء تلفزيوني منذ 28 عام لن تعرفها!