نصائح لإختيار ديكور مثالي لغرفة طفلك

بواسطه شيرين مصطفى السبت , 9 يونيو 2018 ,7:45 ص

نصائح لإختيار ديكور مثالي لغرفة طفلك


نصائح لإختيار ديكور مثالي لغرفة طفلك، غرفة طفلك من اكتر الاماكن في البيت اللي بيقضي فيها وقت كبير، لانه بينام ويذاكر ويتفرج على التليفزيون فيها وبتأثر على حالته النفسية بشكل كبير، علشان كده لازم تهتمي بديكورها وألوانها وتضعيها من ضمن اولويات اعمالك في البيت، وعلشان اوضة طفلك ديكورها يكون مميز، جبنالك نصايح تسهل عليكي اختيار ديكور الاوضة ومن ضمنها:

 

1- استخدمي الملصقات:

 

لانها بتزين الحيطة وبتعطي الاوضة جو مختلف مناسب لسنه، خصوصًا لو كانت الشقة اللي انتم عايشين فيها ايجار وممكن تنقلوا لشقة تانية، علشان كده قدرتك في الرسم على الحيطة بتكون صعبة.

 

2- قسمي الاوضة بذكاء:

 

ضعي في اعتبارك وانتي بتقسمي #اوضة طفلك انك تعملي ركن #للمذاكرة ومكان تاني للعب وآخر للاسترخاء والنوم وهكذا.

 

3- استخدمي الارفف المفتوحة:

 

ممكن تقدري توفري مساحة كبيرة في اوضة #طفلك من خلال انك تستخدميها، بحيث تضعي فوقها صناديق #الالعاب او صناديق تحافظ على الاوضة منظمة، علشان في نفس الوقت طفلك يعرف يوصل لالعابه بسهولة.

 

4- اتركي اقصى قدر من المساحات الفاضية:

 

مهم جدًا تتركي مساحات فاضية في اوضة #طفلك، لانها بتأثر بشكل ايجابي على نفسيته، ولو عايزة توفري مساحة في اوضة طفلك الصغيرة، ممكن تضعي السرير عكس الحيطة وتتركي المناطق المفتوحة حوال منطقة النوم، علشان نومه يكون اكثر امانًا.

 

5- دولاب الاطفال:

 

لما تيجي تختاريه ضعي في اعتبارك ان الارفف بتاعته تكون منخفضة بما فيه الكفاية، علشان طفلك يقدر ياخد اللي عايزه من الدولاب بكل سهولة وتجعله يعتمد على نفسه ويقدر يرتب هدومه لوحده، كمان اختاري دولاب يكون فيه ادراج للشرابات او الاكسسوارات او الملابس الداخلية الخاصة بطفلك، ممكن كمان تسمي كل درج علشان تسهلي على طفلك يطلع منه اللي عايزه بسهولة.



قولى رأيك

تابعنا علي فيسبوك