حاجات متعمليهاش يوم الفرح

بواسطه علياء المحمدى الاحد , 27 مايو 2018 ,9:30 ص

حاجات متعمليهاش يوم الفرح


يوم الفرح لازم أعصابك تهدى، وتبقي مرتاحة، علشان كده هنقولك على مجموعات حاجات، ابعدي عنها تماما يوم الفرح، ومتعمليهاش علشان يومك يبقى حلو ومميز، وتستمتعي بيه من أوله لآخره، والحاجات دي هي:

 

- متعمليش نفسك سوبر وومان:

حاولي كل ترتيباتك تكون قبل يوم الفرح بفترة كافية، ومتعمليش حاجة اليوم ده أكتر من مهمة واحدة، ده لو كانت ضرورية جدًا يعني.

 

- متتحكميش في الوصيفات:

صاحباتك اللي هيبقوا وصيفات العروسة، عارفين هيعملوا إيه، وهما جايين يساعدوكي أصلًا مش محتاجين تتحكمي فيهم، وتديهم تنبيهات.

 

- متختفيش عن الفرح:

في وقت دخول الحمام، أو بعد البوفيه، أو لو بتكتبي الكتاب في مكان غير قاعة الفرح، حاولي متتأخريش على الفرح كتير وتخلي الضيوف يسألوا هي راحت فين!!

 

- متلبسيش كعب لو في مكان مفتوح:

لو فرحك في مكان مفتوح متلبسيش كعب لأنه هيغرز في النجيلة أو الرمل، وهيضايقك في المشي.

 

- إشربي مياه كفاية:

متشربيش كتير علشان متدخليش الحمام كتير، لكن لازم تشربي كفاية خصوصًا لو فرحك في الصيف.



قولى رأيك

تابعنا علي فيسبوك