اعرفي نوع الجنين من غير ما تروحي للدكتور

بواسطه هدى محسن السبت , 7 يوليو 2018 ,9:41 ص

اعرفي نوع الجنين من غير ما تروحي للدكتور


اعرفي نوع الجنين من غير ما تروحي للدكتور، مع بداية الحمل، بيبقى عند الام فضول رهيب، تعرف نوع الجنين، علشان تبدأ تظبط كل حاجة على الأساس ده، من أول الإسم اللي هتختاره ليه، للون أوضة النوم، هدومه ولعبه، وفي الأغلب بتعرف المعلومة دي في ختام الشهر الرابع باستخدام جهاز السونار عند الدكتور.

 

إلا أن في بعض الأساليب والعلامات اللي بيقال إن الأم من خلالها تقدر تحدد نوع الجنين، لوحدها وهي في البيت، ومن الأساليب دي:

1- لو كانت بطنك مرتفعة لأعلى ففي الأغلب أنتي حامل في بنت، ولو كانت منخفضة فالجنين ولد.

2-لو كنتي ميالة لتناول الحلويات وخصوصًا الآيس كريم، فأنتي حامل في بنت، ولو ميالة لتناول الأكل المالح فالحمل ولد.

3- لو حسيتي إن جمالك أقل، فأنتي حامل في بنت، وده لأن في أساطير قديمة بتقول أن البنت بتسرق الجمال من مامتها.

4- بتقول أغلب التجارب أن الست لو كانت بشرتها مشرقة ومتعرضتش للغثيان والقي خلال الشهور الأولى في الحمل، وكمان كان ثديها الأيمن أكبر من الأيسر فدي دلالة أنها حامل في ولد.

5- حطي خاتم جوازك في قماشة طويلة أو سلسلة، واربطيه على بطنك لو أتأرجح على شكل دائري فهتخلفي ولد، ولو اتحرك يمين وشمال يبقى بنت.

6- لو معدل ضربات قلب الطفل ما بين 140 – 160 فالمولود بنت، ولو كانت ما بين 120 – 140  فهو ولد.

7- بتقول بعض التجارب أنك لما تكوني حامل بولد، مش هتتعرضي لمشاكل الحمل  اللي بتحصل في الثلث الأول منه زي الغثيان والقيء، اما لو كنتي حامل في بنت، هتعاني منهم، بالإضافة لمشاكل نفسية، وعدم استقرار عاطفي، وتقلب كبير في الحالة المزاجية.

موضوعات متعلقة:

احذري.. زيادة الوزن تؤثر على الحمل وتؤخر الإنجاب

7 مشروبات ممنوعة على الحامل.. احذري تناولها

5 أعمال منزلية تجنبي القيام بها في الحمل



قولى رأيك

تابعنا علي فيسبوك