4 عادات هتخسسك من غير دايت ولا حركة

بواسطه علياء المحمدى الثلاثاء , 15 أكتوبر 2019 ,3:02 م

4 عادات هتخسسك من غير دايت ولا حركة


4 عادات هتخسسك من غير دايت ولا حركة، التخسيس مش بس رياضة وحركات صعبة وأكل قليل أو مالوش طعم، في عادات بسيطة ومريحة لو اتعودنا عليها هتساعدنا في التخسيس جدا و مش محتاجة مننا غير اننا نتعود عليها دي نخليها جزء من يومنا الطبيعي.

-  التنفس:

المعدة متقسمة تلت للأكل وتلت للشرب وتلت للنفس، علشان كده التنفس السليم وتمريناته بتقلل الكوليسترول في الدم وتظبط الهرمونات وكمان بتقلل الضغط العصبي وتخزين الدهون، ونقدر نعمل اليوجا كتمرين منفصل بتزود الحرق كمان.

- افردي ضهرك:

راقبي قعدتك لو لاحظتي إن ضهرك محني لازم تفرديه، سواء بتاكلي او بتشتغلي او بتقرأي أو بتتفرجي على التليفزيون، لازم ضهرك يبقى مفرود وأنتي قاعدة، العادة دي بتقلل الكورتيزول في الجسم وبتستهلك طاقة أكتر مما تتخيلي.

-  نشفي الدهون في منديل:

كلي مقليات، بس قبل ما تاكليها نشفيهم في مناديل الطعام، ده مش بيحولهم أكل صحي بس بيقلل السعرات الحرارية فيهم لما يزيل الزيوت الزايدة .


اقفي:

وقت الانتظار اوعي تقعدي، اقفي، الوقوف بيخلي الجسم يحرق 50 سعر حراري في الساعة أكتر من السعرات اللي بيحرقها وهو في وضع الجلوس. 



قولى رأيك

تابعنا علي فيسبوك