10 استخدامات لحليب الأم غير الرضاعة

بواسطه شيرين مصطفى الثلاثاء , 14 نوفمبر 2017 ,10:26 ص

10 استخدامات لحليب الأم غير الرضاعة


لبن الأم من الحاجات اللي لها فوايد كبيرة جدًا على صحة الرضيع وبيحمي جسمه من الامراض، لكن لهلوبة النهاردة بتقولك ان لبن الأم له استخدامات غريبة ومذهلة غير الرضاعة، اتعرفي عليها في السطور الجاية.

1- تنضيف العدسات اللاصقة:

ممكن تستخدمي لبن الأم في تنضيفها، لو كان المحلول خلص وكمان بيستخدم في علاج التهاب عيون الاطفال.

2- صابون:

ممكن تكوني سمعتي عن صابونة مصنوعة من حليب المعيز، لكن ايضًا حليب الأم مفيد جدًا للبشرة، لانه بيحتوي على البروتينات الاساسية والاحماض الامينية وفيتامين "A".

3- التهاب الحلق:

اثبتت الدراسات ان حليب الأم ممكن يعالج المشكلة دي خصوصًا عند الاطفال حديثي الولادة.

4- مزيل عرق:

الامر ممكن يكون غريب، لكن فيه عدد من الامهات قالوا انهم بيستخدموا حليب الأم كمزيل للعرق، لو تم وضعه في منطقة الابط وتركه لحد ما يجف، حسب صحيفة "Daily mail ".

5- مزيل للمكياج وحب الشباب:

ممكن تضعي شوية من حليب الأم على قطنة وتشيلي بها المكياج، كمان ممكن يعالج مشاكل حب الشباب، خصوصًا انه بيحتوي على حمض اللوريك، بالاضافة انه مفيد جدًا في تنعيم البشرة.

6- تلميع المجوهرات:

ستات كتير بيستخدموا حليب الأم في تلميعها وتنضيفها، لانه بيجعلها زي اللؤلؤ.

7- المزلقات الجنسية:

وفقًا لصحيفة "Daily mail "، حليب الأم ممكن يستخدم لتسهيل العملية الجنسية ويفضل استخدامه لمصابي عدوى الخميرة المهبلية.

8- علاج الودن:

يستخدم  حليب الأم كعلاج طبيعي لامراض الاذن للكبار والصغار، ضعي 3 قطرات من الحليب في مدخل قناة الودن.

9- علاج حروق الشمس:

يعتبر حليب الأم مطهر طبيعي لحروقها وعلاج لدغات الحشرات، ممكن تقطري نقط منه على المكان المصاب مباشرة وشوفي علاجها بسرعة.

10- الطبخ:

مش بس الاطفال اللي بيتغذوا على حليب الأم، الجبنة والزبدة والآيس كريم والمخبوزات،تعتبر من المنتجات اللي بيدخل حليب الأم في صناعتها.

وفي اقوال إن حليب الأم مذاقه احلى من حليب البقر، كمان بعض الأمهات بييجمدوه في مصاصات، علشان يدوا الاطفال فرصة للتسنين بصورة اسرع .

 

موضوعات متعلقة:

3 خرافات عن الرضاعة الطبيعية لا تصدقيها

5 نصائح للعناية بالثدي خلال الرضاعة

فوائد الرضاعة الطبيعية ودورها بعد الولادة القيصرية

8 أطعمة و6 مشروبات تزيد إدرار الحليب للرضاعة

كيفية زيادة إدرار الحليب بعد الولادة



قولى رأيك

تابعنا علي فيسبوك