حنان شوقي تحكي قصتها مع الموت وسر كراهيتها للفنان محمد رمضان

حلت الفنانة حنان شوقي ضيفة على برنامج "نص الكلام" الذي تقدمه الإعلامية راغدة شلهوب، ويذاع على قناة النهار، وخلال اللقاء سردت قصة رؤيتها للموت وذلك بعد تعرضها لوعكة صحية شديدة وإصابتها بجلطة دون علمها.

حيث قالت حنان: "أنا شوفتها ما تساويش جناح بعوضة، لايف، شوفت الشوارع وكنت بموت وأنا في العربية، جالي موضوع وزعلت وأتاري عندي جلطة بقالي 3 أيام، وأنا معرفش، فجأة وأنا في العربية حسيت بجسمي كله تعبان وأنا بسوق".

وأضافت حنان شوقي أنها كانت في طريقها لزيارة المخرج ياسر صادق حتى تحصل على سكريبت احتفالية الليلة المحمدية في الإذاعة، وفي منتصف الطريق أحست ببرودة في جسدها، ولكنها استمرت في قيادة السيارة رغم أن الرؤية لديها كانت مضطربة، موضحة: "كنت شايفة ومش شايفة، ماشية إزاي مش عارفة".

وتابعت: "كان جوايا كمية أحاسيس وأدعية عايزة أقولها لربنا، وخلاص حاسة إني هقابله، وساعتها شوفت شارع فيصل من فوق كله كرتون كأنه فيلم كرتون، ديكور، كأنه نموذج مصممه مهندس، صحيح الدنيا فعلًا ماتسواش جناح بعوضة".

وبمجرد وصولها لمنزل المخرج ياسر صادق قالت: "الحقني بموت برة البيت".

 
وفي فقرة المقارنة التي يتضمنها البرنامج، ظهرت صورتا الفنانين كريم عبد العزيز ومحمد رمضان، لتؤكد حنان شوقي أن كريم هو نمبر وان الجيل الحالي.

حيث قالت حنان: "كريم عبد العزيز طبعا يكسب، لما شوفته في رمضان اللي فات حسيت إن نور الشريف مماتش، حسيت إنه بيشيل الوسط الفني على إيديه، بيتحط مكانهم، حسيت الوسط الفني تقيل بكريم عبد العزيز".

وعن الفنان محمد رمضان قالت: "ماشوفتش له حاجة ومبحبش أشوف، لأني ببساطة مبعرفش أتفرج على حد مش صادق، وطول الوقت بيمثل أحمد زكي حتى بلعان الريق، بيبوظ نفسه برغم إن عنده كاريزما، ولو حتى غير من نفسه فأنا مابتابعش".

وأشارت لموقف محمد رمضان مع الطيار الراحل أشرف أبو اليسر قائلة: "مبحبش البني آدم اللي يجور على حق بني آدم ويعمل ده على السوشيال ميديا ويضيع كيانه، ما سابش لابنه حتى ذكرى، ده مايبقاش فنان".

وتابعت حنان شوقي: "هو اللي عمل في نفسه كده، وعلى فكرة هو صعبان عليا، الغرور ساعات، بيخلي الواحد ميعرفش يسيطر على نفسه، النفس بتلعب مع البني آدم، ينزل يشوف الناس بتقول عليه إيه ويشوف بيتكلموا إزاي، يسمع بس ابن الطيار".

واختتمت: "أنا بحب كل خلق الله، بحب محمد رمضان البني آدم لكن بكره أفعاله، مش بكره الإنسان اللي فيه بكره بس أفعاله".

موضوعات متعلقة:

أول رد من نقابة الموسيقيين على فيديو رقص محمد رمضان ماذا قالت؟

حنان شوقي تستغيث أريد حقي ما الحكاية؟