في عيد الحب.. 11 علامة في لغة الجسد تفضح حب وانجذاب الراجل لكي

بواسطه روضة إبراهيم الخميس , 14 فبراير 2019 ,9:00 ص

في عيد الحب 11 علامة في لغة الجسد تفضح حب وانجذاب الراجل لكي


في كتير من الستات مش بتركز مع لغة الجسد لاي حد بيتعامل معاها، ولكن في علامات محددة لو عاملها اي راجل من غير ما يقصد، بتبين انجذابه ليكي وبتفضح حبه، وفي عيد الحب لهلوبة قررت تساعدك تعرفي العلامات دي، علشان تعرفي مين بيحبك وخجلان يقولك، وتفضحي مشاعره ونوياه لكي.
 
علامات في لغة الجسد تبين حب اي راجل ليكي:
 
 
- اسهل علامة بتبين حب الراجل لكي من غير ما يقول، هي انه مجرد ما يشوفك يبتسم تلقائي، وكمان ممكن طول القاعدة يحاول يحكي مواقف طريفة او نكت او يعمل حركات تلقائية عبيطة علشان يجعلك تضحكي ويكون هو سبب في سعادتك وابتسامتك، الستات معروف انها بتحب الراجل اللي بيضحكها دايمًا.
 
- لو اتعرضتي لموقف ومشيتي انتي وشاب سوا في مرة، ولحظتي وقتها انه بيبطء في ماشيته، يبقى ده بيدل انه عاوز يقضي معاكي وقت اطول، حتى لو في المشي بس، الرجالة معروف ان مشيتها سريعة وتحسي انهم عندهم مهمة سريعة لانقاذ العالم، لو عمل عكس ده يبقى اعرفي انه معجب بيكي.
 
- لو لاحظتي ان في شاب بدء يهتم بنفسه وبشكله عن الاول، في اي مكان او مناسبة بتجمعكم سوا، يبقى عايز يلفت نظرك له، ودي علامة قوية بتبين اعجابه بيكي.
 
- كمان لو لاحظتي ان في راجل بدأ يعلق على شكلك، ويركز في اللي انتي لابسه كل يوم، وايه بيليق عليكي اكتر، وبيلفت نظرك لده دايمًا، والالوان الاحلى عليكي، يبقى ده شخص مُهتم انه يتابعك كل يوم، ودي علامة من علامات الاهتمام.
 
- لو لاحظتي وانتي قاعدة مع اي راجل، انه قاعد مرتاح وفارد رجله، لدرجة انه ممكن يخبط رجلك، ده دليل انه عاوز يلفت نظرك ليه، او انه مرتاح في القاعده هنا وهو معاكي.
 
- لو في راجل كل ما يتكلم معاكي بيتعمد يبص في عنيكي مباشرة، ومش بيشيل عينه من عليكي طول ما انتي موجودة في المكان، يبقى الراجل ده بيحبك ومفضوح.
 
- لو كنتي واقفة مع مجموعة من صحابك، وباين اوي ان في ولد منهم اتجاه جسمه مايل نحيتك اكتر وانتي بتتكلمي، يبقى ده مُعجب بيكي، لان دايمًا الحركة دي بتكون تلقائية جدًا ومش قاصدها، وبتكون علامة واضحة ليكي تبين مده حبه.
 
- حركة لمس الشعر واللعب فيه اثناء كلامه، دي علامة واضحة بتبين انه عاوز يلفت انتباهك ليه، وعادة الحركة دي بتكون غير مقصودة ولكن ليها معاني كتير عند اي ست.
 
- لو كنتي بتتكلمي وسط مجموعة ولاحظتي ان في شاب منهم بيلعق شفايفه اكتر من مرة وباصص نحيتك جدًا، دي علامة بتبين انه مركز ومعجب بيكي وبكلامك وبشكلك.
 
- لو لاحظتي ان في راجل بيغير طريقة كلامه، ولهجته ونبرة صوته اثناء الكلام معاكي، وان ده بيتغير تمامًا لو اتكلم مع اي حد تاني، يبقى الراجل ده معجب بيكي وبيحبك وبيعاملك معاملة خاصة، وعاوز يبينلك ده ومش عارف.
 
- لو كنتي قاعدة مع شاب ولاقتيه قاعد مرتاح، وبيتعامل براحة وبهدوء وببطء من غير اي توتر، دي علامة انه لاقي نفسه هنا معاكي، لان الحركات الهادية في التعامل دي بتدل على الراحة والرضا، وده معناه انه نفسه يكمل حياته معاكي علشان يكون سعيد وراضي.
 
 
مواضيع متعلقة:



قولى رأيك

تابعنا علي فيسبوك