6 حلول طبيعية لمشكلات الشعر الشهيرة في الشتا

بواسطه إسراء صادق الاحد , 5 نوفمبر 2017 ,10:35 ص

6 حلول طبيعية لمشكلات الشعر الشهيرة في الشتا


نهاية فصل الصيف معناها تخلص شعرك من الاثار السلبية للشمس عليه لكن في نفس الوقت بداية الشتا معناها مواجهة نوع جديد من التحديات لشعرك خلال الطقس الجاف واللي بتحتاج عناية خاصة بالشعر، اعرفيها في 6 خطوات: 

1- وصفة طبيعية بسيطة لمشكلة جفاف فروة الرأس وزيادة القشرة في الشتا: 
بسبب جفاف الطقس وعدم توفر الرطوبة تصبح الفروة كمان جافة وده اللي بيسبب مشاكل زي القشرة اللي بتسبب تهيج فروة الرأس واحيانا سقوط الشعر بغزارة، وتقدري تعالجي المشكلة دي من خلال وصفة طبيعية بسيطة عبارة عن عدة ملاعق كبيرة من زيت الزيتون او جوز الهند وملعقة صغيرة من عصير الليمون وتسخني الزيت على النار لغاية ما يبقى دافي وبعدين تضيفي له ملعقة الليمون وتدلكي فروة راسك بالمزيج، اتركيه من 20-30 دقيقة، بعدها اشطفيه بالميه والشامبوه المناسب لكي. 

2- أفضل فرشاة لتمشيط شعرك في الشتا وطريقه غسله: 
يمكن من اكتر الحاجات اللي بتضعف  الشعر، ابقاءه على وضع معين فترات طويلة او وضع غطا عليه للحماية من البرد حتى وانتوا قاعدين في البيت، وللتغلب على المشكلة دي استخدمي فرشاة ذات الشعيرات البلاستيكية لانها بتمشط الشعر بشكل يجعله يتنفس، كمان بيفضل غسله بميه فاترة لان السخنة بتفقد الشعر زيوته الطبيعية اللي بتحميه. 

3- للتغلب على بهتان الشعر وفقدانه للحياة في الشتا: 
الشتا مش بس بيجعل الشعر جاف ده كمان بيظهره بهتان وخالي من الحياة، وحل المشكلة دي في استخدام العسل الخام كحمام قبل الاستحمام وبعد تمشيطه بمشط خشبي واسع، وبعدين نلفه بقبعة الاستحمام او منشفة وتركه 30 دقيقة، بعدها يشطف بالميه الفاترة، وده بيرد للشعر حيويته وبيساعد على زيادة طوله. 

4- زيت الزيتون لترطيب وتغذية فروة الراس: 
تدليك الفروة ببطء بملعقتين من زيت الزيتون بيساعد على ترطيبها وعلى تحسين أداء الدورة الدموية وتغذية بصيلات الشعر من الجذور.
 
5- تنشيف الشعر بطريقة صحيحة: 
لانه احيانًا بتبقى معاناة خاصة لو شعرك طويل، بس هو كمان بيفرق في صحته يعني لا يفضل ابدا حك الشعر بعنف في المنشفة لانه ممكن يضعفه ويؤدي لتساقطه، الافضل انك تضغطي عليه برفق، ولو رغبتي في استخدام هواء السشوار الساخن علشان تنجزي الموضوع بشكل سريع حاولي يكون الهو بعيد عن الشعر بحوالي 15 سم على الأقل علشان نبعد عن الاضرار بفروة الراس.  

6- عدم اهمال حمامات الكريم والزيوت الطبيعية للترطيب: 
لانهم  حاجتين لازم يلازموكي طول الشتا على الاقل مرة في الاسبوع علشان تحاولي تعوضي جفاف الشعر بترطيب طبيعي، وبعد حمام الكريم او الزيت اشطفيه بميه فاتر ويفضل ان الشطفة الأخيرة بميه باردة علشان شعرك يحتفظ بزيوته الطبيعية ويبان حيوي ولامع. 
 



قولى رأيك

تابعنا علي فيسبوك