5 ألوان للشعر موضة هذا الخريف

بواسطه روضة إبراهيم الخميس , 19 أكتوبر 2017 ,9:45 ص

5 ألوان للشعر موضة هذا الخريف


 البنات بطبعها بتحب التغيير، والاهتمام بنفسها ولفت الانظار بشكلها الجديد والنيولوك اللي بتغيره كل موسم، علشان كده اكيد في بنات بتهتم تعرف ايه هي ألوان الشعر الموضة في كل موسم علشان تلحق تغيره وتكون على الموضة، بدل ما تتمسكي بنفس اللون طول العمر، بس المهم ان اللون يكون مناسب لكي.
لو عندك رغبة انك تغيري لون شعرك بشكل تام، لازم تعرفي الاول ايه هي ألوان الشعر الموضة في خريف 2017/ 2018، زي البلاتين الاشقر، المنتشر بكترة الموسم ده.

تعرفي على اتجاهات الوان الشعر في خريف 2017 :

1- اللون الاسود:

موضة جدًا في الخريف ده، يعني لو شوفنا بنلاقي ان الممثلة الامريكية لوسي هيل اختارته في اطلالتها الخريف ده.

2- اللون الأشقر:

 بدرجاته بين البني والاشقر موضة جدًا في الوان الشعر الخريف ده، وبنلاقي عارضة الازياء "جي جي حديد" معتمدة اللون الشعر الاشقر في الخريف ده.

3- اللون البني:

بدرجاته من الالوان الجميلة جدًا والموضة في فصل الخريف ده، وهو لون بيظهر الوش بشكل ناعم وانثوي وبيليق على معظم ألوان البشرة، وبنلاقي الممثلة الاجنبية "اوليفيا مون" اختارت اللون ده علشان تظهر بيه في الموسم السنة دي.

4- تدرج اللون من الجذور الى الاطراف:

الخريف ده ظاهر معانا لون الشعر المتدرج، من اللون الداكن في الجذور، إلى اللون الفاتح على الأطراف، واختارت عارضة الازياء المشهورة "كريسي تايجن"، اللون ده علشان تطل علينا به.

5- اللون البلاتيني:

ظهر في الصيف ده اللون البلاتيني الاشقر، ومكمل معانا الخريف، وهو لون قريب للون الابيض الفضي، وهنلاقي ان "كيم كاريشيان" غيرت لون شعرها وبقى الدرجة دي.

لو كنتي شجاعة بما فيه الكفاية ممكن تتجهي لاختيار اللون البلاتيني في اطلالتك في خريف 2017.


 



قولى رأيك

تابعنا علي فيسبوك