7 نصايح عند تنضيف شبابيك البيت قبل العيد

بواسطه شيرين مصطفى الأربعاء , 23 أغسطس 2017 ,11:11 ص

7 نصايح عند تنضيف شبابيك البيت قبل العيد


كل ست بتسعى ان بيتها يكون دايمًا في أفضل صورة ونضيف وخالي من الاتربة، بالتحديد قبل العيد علشان يستعدوا للاحتفال واستقبال الاهل والقرايب والصحاب، ولهلوبة بتقدملك نصايح تاخدي بالك منها وانتي بتنضفي شبابيك البيت، علشان تعمليها بطريقة صحيحة وتظهر كانها جديدة.

الادوات:

مقبض مكنسة او فرشاة جافة - اسفنجة - ممسحة - خل - جورنال - قطعة قماش.

الطريقة:

1- فكي الستاير المتعلقة على الشبابيك، وابدأي باستخدام مقبض المكنسة او الفرشاة الجافة في ازالة اي اتربة حوال زوايا وعتبة الشباك.

2- بلي الاسفنجة بميه دافية وصابون، وادعكي بيها الشباك واغسليه كويس.

3- امسحي الميه الزايدة على الشباك باستخدم الممسحة، بداية من الجزء العلوي للسفلي، للحصول على اقصى قدر من الكفاءة، وامسحي شفرات الممسحة بقماشة قديمة، علشان تتجنبي نقل الاتربة والاوساخ.

4- استخدمي قطعة القماش في ازالة الميه المتبقية من زجاج الشباك، وفي الاخر نشفي الشباك كويس.

5- لازم تنضفي شبابيك البيت على الاقل مرتين في السنة، علشان تظهر على طول مشرقة ونضيفة.

6- ممكن تضيفي ملعقتين من الخل لجردل صغير فيه ميه دافية وتغسلي بيهم شبابيك البيت، للحصول على نتيجة فعالة.

7- ورق الجرايد من افضل الادوات الفعالة في تلميع زجاج الشبابيك، لانه بيخلصه من اي صابون او سائل تنظيف ممكن يتراكم عليه.



قولى رأيك

تابعنا علي فيسبوك