لكل بنطلون جينز حذاء معين.. اختاري صح

بواسطه رضوى الشاذلى الثلاثاء , 22 أغسطس 2017 ,11:52 ص

لكل بنطلون جينز حذاء معين اختاري صح


البناطيل الجينز ليها تصميمات وقصات مختلفة وكتير، وغالبًا كلنا بنختار ليها الأحذية بشكل عشوائي وده من ضمن الغلطات اللي بنقع فيها، ولأن لهلوبة مهتمة بأناقتك، هنقولك على ازاي تختاري الحذاء صح علشان يتناسب مع شكل البنطلون.

 

لو كنتي بتفضلي البنطلون اللي رجله بتكون واسعة زي الصورة يبقي من الاحسن هنا تختاري معاه أي حذاء بالكعب العريض مش مهم لو كان مقفول أو مفتوح لكن النوع ده تحديدًا هو الاحسن له.

 

اما لو كنتي النهاردة هتختاري بنطلون جينز "ستريت" يبقي لازم تختاري معاه حذاء رياضي من غير رباط زي ما الصورة بتوضح، وده مناسب أكتر للصبح أو الشغل وكمان المشاوير اليومية.


البنطلون الجينز الأبيض لازم تلبسي عليه صندل مفتوح، ويفضل يكون فيه ورد والوان مبهجة علشان تظهري أنيقة ومميزة.


 

لو قررتى تلبسي سالوبيت، فمن الاحسن تبعدي عن الأحذية الرياضية، لأن قواعد الموضة ليها رأي تاني وهو انك تلبسي معاه الحذاء الكلاسيكي زي ما الصورة بتوضح.


الهوت شورت الجينز كمان ليه حذاء محدد بلاش تختاري غيره، خبراء الموضة بينصحوا بان الحذاء الفلات البسيط هو احسن حاجة ليكي لو قررتي تلبسي الاستايل ده.


اما بنطلون البوي فريند كمان بيفضل تلبسي معاه الحذاء العادي المسطح، لأن ديه أكتر حاجة مناسبة ليه، وقاعدة مهمة في الموضة بلاش تتجاوزيها علشان اناقتك تكتمل.

البنطلون "سكينى" الضيق من نهايته، بينصح خبراء الموضة باختيار ليه حذاء من الأحذية الكلاسيكة الأقرب في تصميمها للرجالي.

 

موضوعات متعلقة:

طرق ارتداء البنطلون الـ "culottes" مع الحجاب



قولى رأيك

تابعنا علي فيسبوك