ازاي تظهري بأجمل اطلالة لو رايحة فرح

بواسطه رضوى الشاذلى الثلاثاء , 22 أغسطس 2017 ,11:52 ص

ازاي تظهري بأجمل اطلالة لو رايحة فرح


لو عندك فرح صديقة أو حد من الأقارب، لازم تفكري كويس فى لبسك اللي هتظهري بيه في يوم مهم زي ده، ولأن لكل مكان اللبس المناسب ليه، في قواعد مهمة في الموضة لازم تركزي عليها لاختيار ملابسك صح ، وعلشان تعرفي تعملي ده لهلوبة بتقولك اقرأي السطور اللي جاية.


1- ابعدي عن البناطيل:

مهم تلبسي في يوم زي ده أزياء تناسبك وتتوافق معاكي، كمان تكوني فيها مميزة، ويفضل تبعدي عن البناطيل وتختاري فستان رقيق من دولابك مع حذاء من الكعب العالي وأحمر الشفايف الجذاب.

2- بلاش الفساتين القصيرة:

لأن للازياء الماكسى والطويلة طعم خاص، يفضل تختاري فستان طويل، ده بيترك انطباع كويس عند كل الموجودين، غير انه بيظهرك بشكل أنيق ومميز.

3- اللون الأبيض ممنوع:

الفساتين المصنوعة من الدانتيل الأبيض من أكتر الأخطاء اللي مممكن تقعي فيها لو كنتي مدعوة لفرح، هنا لازم تختاري لون تاني لأن ده أكيد مزعج جدًا للعروسة.

4- اختاري شنطة صغيرة:

من ضمن التفاصيل اللي مهم تركزي عليها هو الشنطة، لأن البنات دايمًا بيختاروا شنط كبيرة في المناسبات، وده بيقلل من أناقتهم، علشان كده خبراء الموضة بينصحوا بالحقيبة الصغيرة.

5- تجنبي الأحذية العالية:

مهم يكون الحذاء مريح ومناسب لرجلك قبل ما تختاريه، وكمان ينفع تقضي بيه يوم كامل، لأن لو اختارتي حذاء كعبه مزعج ليكي من الممكن يسبب مشكلة في الحركة وبالتالي تظهرى بشكل غير جيد.

 

موضوعات متعلقة:

بين البساطة والأناقة.. كيف تطورت أزياء الملكة رانيا



قولى رأيك

تابعنا علي فيسبوك