حسن شاكوش يحدث ضجة بنصائحه للشباب حول المخدرات.. ما الحكاية؟

بواسطه روضة إبراهيم الأربعاء , 9 يونيو 2021 ,12:42 م

حسن شاكوش يحدث ضجة بنصائحه للشباب حول المخدرات ما الحكاية


أحدث مطرب المهرجانات الشعبية حسن شاكوش ضجة واسعة على وسائل التواصل الاجتماعي، بسبب نصائحه الموجهة للشباب حول المخدرات، وضرورة الذهاب إلى الجيم وممارسة التمارين الرياضية.

فقد وجه حسن شاكوش رسالة إلى الشباب المتابع له، عبر حسابه الشخصي على موقع التواصل الاجتماعي "فيس بوك"، وذلك من داخل إحدى صالات الألعاب الرياضية "الجيم"، قائلًا: "بنصح كل الشباب اللى بتشرب مخدرات، واللى ماشي في طريق مش كويس وهيضيعه بنصح كل الناس تنزل تتمرن في الجيم ويكون عندك هدف في حياتك".

وتابع شاكوش: "إخواتي وحبايبي أنا كنت طالع دلوقتي عشان نتكلم فى حاجة مهمة، بقول للشباب إن كل واحد لازم يبقى عنده طموح وهدف في دماغه إنه يحققه ومحدش ييأس".

وأضاف: "تاني حاجة أنا كحسن شاكوش أهو رغم الشغل بتاعي وأكل عيشي إحنا بنقدم حاجة للناس تفرحها وتبسطها والناس بترقص على أغانينا والكلام ده، بس ده حاجة والشغل حاجة والحياة الشخصية حاجة تانية".

وأكمل حديثه: "أنا بتكلم إن أنا رغم الضغوطات والشغل أنا حياتي الشخصية إني بنزل كل يوم أروح الجيم أتمرن وباكل كويس ولازم تنام كويس ولازم تخاف على صحتك اللي ربنا ادهالك".

يذكر أن مطرب المهرجانات حسن شاكوش قد طرح مؤخرًا أغنية جديدة بعنوان "حبيبتي"، على هيئة فيديو كليب، بمشاركة الفنانة ياسمين رئيس، وقد تخطت  حاجز 17 مليون مشاهدة على موقع يوتيوب، وحققت نجاحًا جماهيريًا.

أغنية "حبيبتي" من كلمات محمد غباشي ومصطفي الجن، وألحان حسن شاكوش، وتوزيع ومكس وماستر إسلام ساسو، وإخراج هادى الباجوري.

 

موضوعات متعلقة:

حسن شاكوش في أزمة جديدة بالمطار

محضر ضد حسن شاكوش بسبب فعله المستهتر على البحر

ريهام سعيد تكشف سبب عداوتها مع حسن شاكوش

التعليق الأول لخطيبة حسن شاكوش بعد فسخ الخطوبة



قولى رأيك

تابعنا علي فيسبوك