لو حامل وبتعاني في الحر.. اكلات تساعدك على رطوبة جسمك

بواسطه رضوى الشاذلى الخميس , 10 أغسطس 2017 ,3:59 م

لو حامل وبتعاني في الحر اكلات تساعدك على رطوبة جسمك


الحمل مع ارتفاع درجات الحرارة والرطوبة الزيادة من اكتر الحاجات المزعجة اللي ممكن تحصل للست في الحياة، علشان كده لهلوبة جمعتلك اكلات هتساعدك تقللي من رطوبة جسمك في الصيف:

 

1- البطيخ:

نسبة الميه الموجودة فيه تقريبًا 92٪، وهو من الفاكهة الصيفية اللي لازم تعتمدي عليها بشكل اساسي في يومك، ممكن كمان تشربيه عصير مع النعناع الطازة، والاكيد انه بيكون شهي لو قررتي تاكليه مع جبنة بيضا وعيش سخن.

 

2- الفراولة:

مهمة لان فيها تقريبًا حوالي 91٪، وليها دور كبير في ترطيب الجسم وامداده بالطاقة، لو مش بتحبيها للأكل، ممكن تعمليها سلطة فواكه أو عصير ممزوج بأي نوع من الفاكهة التانية المحببة ليكي.

 

3- الخيار:

بيحتوي تقريبًا على 95٪ من الميه، علشان كده عنصر مهم في طبق السلطة للحامل، بيساعد على ترطيب الجسم، للسبب ده لازم تعتمدي عليه في نظامك الغذائي بشكل ثابت خصوصًا فترة الحمل، لانه سحري كمان في علاج الحموضة.

 

4- الخس:

من ضمن الخضروات اللي بتحتوى تقريبًا على 95% من الميه، من اكتر الخضروات اللي بتمنح جسمك الاحساس بالانتعاش.

 

5- الكانتلوب:

90% من تكوينه ميه، غير انه مفيد جدا للصحة، علشان كده يفضل يكون في تلاجتك طول فترة الحمل، جربي تاكليه ساقع مع أى نوع من الفاكهة التانية وانتى تحسى بالانتعاشة.

 

مواضيع متعلقة:

نصائح للمرأة الحامل قبل تناول الباذنجان



قولى رأيك

تابعنا علي فيسبوك