6 ألوان مانيكير بتعبر عن شخصيتك.. انتي مين فيهم

بواسطه شيرين مصطفى الإثنين , 25 سبتمبر 2017 ,10:47 ص



لو كنتي بتسألي نفسك عن سبب انجذابك اوقات كتير للون معين من المانيكير، ممكن الاجابة تكون انه بيعبر عن شخصيتك، ولهلوبة هتقولك ازاي:

 

1- اللون الاحمر " كلاسيكية":

بتحبي تخرجي على العشا مع اصحابك في مطعم فاخر وبتشتري الشنط والاحذية اللي تعيش معاكي فترة طويلة، وفي الشغل بتبذلي أقصى جهدك علشان توصلي لمنصب فيه، ولما بتتكلمي الآخرين بيسمعولك كويس.

 

2- اللون الوردي "جريئة":

عندها ثقة في نفسها وجذابة، بتعشقي جذب الانتباه وعارفة كويس ان الضوافر الوردية بتحقق الهدف، شخصية ايجابية متفائلة، واثقة بنسبة 100% في طريقة حياتها الخاصة من غير اي قلق.

 

3- اللون الأزرق "مبدعة":

بيميل للون ده الاشخاص المبدعين زي مصممين الملابس والمصورين، بتحب الناس واللمة، لكن بجرعات قليلة، بتفضل تقضي وقت مع مجموعة صغيرة من الاصدقاء تقدري تفتحيلهم قلبك وتتكلمي معاهم عن الحاجات المهمة في حياتك.

 

4- الاسود "أنيقة وصريحة":

احيانًا كتير بيتاخد عنك انطباع غلط، وبيتم الخلط بين ثقتك الكبيرة في نفسك وسلوكك المتهور، انتي من الاشخاص غير المحبين ان حد يفرض سيطرته عليهم، لانك بتعملي اللي عايزاه وبس.

 

5- البيج "بسيطة":

المرأة اللي بتفضله بدرجاته المختلفة بتتسم بالبساطة في شغلها وحياتها كلها، وغير محبة لجذب الانتباه، وعندها ثقة كبيرة في نفسها.

 

6-  الابيض "عاقلة":

لون النقاء وبيعبر عن شخصية متزنة وواثقة في نفسها، عارفة كويس جدًا هي عايزة ايه وعندها سلام داخلي، احيانًا بتكون عنيدة ورأيها قوي، لكنها في نفسها الوقت بتحس انها أميرة في انتظار حبيبها.

 

موضوعات متعلقة:

إعرفي شخصيتك من شكل أظافرك

إعرفي شخصيتك من طريقة بكائك أيهم أنت؟

ألوان مانيكير عصرية تناسب الاظافر القصيرة



قولى رأيك