لو مضطرة للاجهاض.. اعرفي كل المعلومات عنه

بواسطه رضوى الشاذلى الإثنين , 21 أغسطس 2017 ,12:00 م

لو مضطرة للاجهاض اعرفي كل المعلومات عنه


تجربة الاجهاض مؤلمة جدا، مش بس لأن وجعها زى وجع الولادة، لكن لانه بيبعد ام عن حلمها بالأمومة، قبل ما تمري بالتجربة السيئة اعرفي كل التفاصيل عنها.

ايه هو الاجهاض؟

هو فقدان الجنين خلال الايام الاولى من الحمل، وبتأكد الدراسات ان نسبة كبيرة منه بيتم بسبب عدم معرفة الام انها حامل في الاساس أو قبل ما تتأكد من الطبيب الخاص بيها، كمان ممكن يكون في خطأ في التكوين ويحصل بسبب مضاعفات الحمل، وغالباً ده بيكون قبل ما الجنين يبدأ قلبه يدق والنوع ده اسمه الاجهاض التلقائى.

أما النوع الثانى هو الاجهاض الاختياري، وده بيكون بقرار من الأم بسبب مشكلة لدى الجنين، أو اصابته بمرض نادر أو حتى يكون غير مكتمل ولو اتولد هيكون عنده اعاقة او مشكلة عقلية، ودي حالة كتير من الامهات بتفضل تاخد قرار بالاجهاض.

ما سببه الرئيسي؟

على الرغم من ان الام اللي بتجهض، كتير من اللي حواليها بيلموا عليها القرار ده، الا ان التجربة مش حاجة سهلة يعني عمره ما يحصل من لعبها للرياضة أو فنجان قهوة صغير، أو حتى ممارستها للعلاقة الجنسية، الا ان السبب الرئيسي والاوحد اللاجهاض هو حدوث خلل فى الجينات.

اما العوامل التانية اللى بتشكل خطر على الجنين واحيانا تصل للاجهاض:

- المخدرات.

- تدخين.

- البكتيريا الموجودة في اللحوم المصنعة .

- البيض النى.

- منتجات الألبان غير المبستر.

- تعرض الام لحادثة مثلا.

- مشكلة فى الهرمونات "زي انخفاض مستويات هرمون البروجسترون أو الأورام الليفية الرحمية".

- انه يكون عمر الأم متقدم يعني أكبر من 35 سنة.

-اصابتها مثلا بأمراض مزمنة زي السكر أو الغدة الدرقية.

اعراض الاجهاض:

فيه كتير من الستات لا يظهر عليهم اعراض الاجهاض قبلها، ومع ذلك في بعض العلامات اللي بتشكل انذار بسيط لجانب النزيف.

- مغص في منطقة الرحم ممكن يوصل لحد التشنجات.

- آلام في الضهر.

- فقدان أعراض الحمل زي الغثيان أو القيء.

- نزول مخاط لونه أبيض أو وردي.

 

موضوعات متعلقة:

5 أشياء تسبب الإجهاض بسبب نمط الحياة الخاطئ

طريقة الخميرة للاجهاض



قولى رأيك