ازاي تستفادي من القيلولة صح

بواسطه علياء المحمدى الجمعة , 29 سبتمبر 2017 ,9:03 ص

ازاي تستفادي من القيلولة صح


النوم وقت الضهر ساعات كتير بيبقى ضرورة، علشان الجسم يستعيد نشاطه ويقدر يكمل اليوم، لكن في ناس بتصحى منه تعبانة اكتر وجسمهم مكسر، وعلشان تتجنبي ده، وتستفادي منه لهلوبة هتقولك تعملي ايه: 

- ابعدي عن التوتر:

لانه من أكتر الحاجات اللي بتأثر على النوم، علشان كده حاولي تتجنبي الضغط العصبي، ونامي أول ما تحسي ان جسمك مرهق ونشاطه قليل، قبل ما توصلي للمرحلة اللي العقل فيها بيتوتر لأن لو وصلها مش هتستفيدي من النوم خالص .

- اتجنبي المجهود الزايد :

لو عاملة حسابك تنامي بعد الضهر، يبقى بلاش تعملي مجهود كبير لأن الجسم بيبقى مرهق اكتر من ان النوم يريحه، حاولي يبقى النوم بعد المجهود البسيط بساعة أو 45 دقيقة على الاقل .

- التجويع مرفوض:

غريزة الجوع أقوى من النوم عند الانسان، علشان كده، اوعي تنامي وانتي جعانة، لازم تكون البطن مليانة بس بأكل صحي وخفيف.

- المهدئات ممنوعة:

سواء طبيعية أو علاجية، ولو مش حاسةاإنك عايزة تنامي فعلًا بلاش تغصبي جسمك على النوم.

- اتخلصي من المنبه :

في نوم الضهر حاولي تكوني غير ملزمة بوقت معين للصحيان، اتركي جسمك ياخد راحته ويصحى وقت ما يكتفي.

- حددي ميعاد للنوم:

بحيث يكون ثابت بشكل يومي، وقتها الجسم هيرتاح أكتر ويسترخي، ويحصل على اقصى استفادة من نوم القيلولة. 

- امنعي القهوة:

طبيعي انك لو عايزة تنامي يبقى بلاش تشربي قهوة قبل النوم مباشرة، لأن ده بينبه المخ وبيأثر على جودة النوم، وبالتالي مش هتستفيدي حاجة من ساعات الراحة دي. 

 
موضوعات متعلقة:



قولى رأيك

تابعنا علي فيسبوك