حاجات لازم تبقى على تسريحتك

بواسطه علياء المحمدى الخميس , 17 أغسطس 2017 ,10:32 ص

حاجات لازم تبقى على تسريحتك


البنات دايما بتحب تهتم بنفسها وبأي حاجة تساعدها تحافظ على بشرتها وجمالها، زي المكياج،  ولو انتي لسه جديدة ومش عارفة ايه الحاجات اللي لازم تبقى موجودة معاكي، لهلوبة هتقولك على الحاجات اللي لازم تبقى على تسريحتك وفي متناول ايدك على طول، واللي هي: 

 

- أدوات الشعر:

الفرشاة والمشط والاساتك لازم تبقى في متناول ايدك وقدامك لانك هتحتاجيهم الصبح وانتي نازلة من البيت واكيد قبل النوم لو حبيتي تسرحي شعرك وتلميه.

 

- مزيل المكياج:

لأن النوم بأدوات التجميل أو عدم ازالتها كويس من على الوجه بيسبب مشاكل في البشرة والجلد منها الالتهابات والحبوب والبقع الغامقة، علشان كده اجعلي المزيل قدامك والا هتنسي تستعمليه. 

 

- التونر:

المفروض ان استخدامه يبقى يومي او في اليوم مرتين الصبح وبالليل لتنضيف الوجه، علشان كده وجوده قدامك مهم.

 

- الكريم:

كريمات البشرة مهمة جدا لكل البنات، وحتى صاحبات البشرة الدهنية لازم يبقى عندهم كريم علشان الايدين والقدمين ومهم يبقى قدامهم علشان يستخدموه أكتر من مرة في اليوم.

 

- قطن طبي:

القطن مهم وهتحتاجيه في كل حاجة في ازالة المكياج، في تنضيف البشرة وغيرهم كتير، ضعيه قدامك في مكان واضح علشان تلاقيه بسهولة.

 

- منتجات العناية بالشفاه:

مرطب الشفايف والروج وغيرهم مهمين جدا يبقوا قدامك في مكان واضح لأنك هتحتاجيهم كتير. 

 



قولى رأيك

تابعنا علي فيسبوك