اعراض الاصابة بالجفاف

بواسطه شيرين مصطفى السبت , 7 أكتوبر 2017 ,1:01 م

اعراض الاصابة بالجفاف


الجفاف من الحالات المرضية اللي بتحصل بسبب نقص السوايل الداخلة لجسم الانسان، وبيتم التعرف عليه من خلال اعراض كتير، لهلوبة هتقولك عليها: 

1- الشعور بالصداع:

ده لان الجفاف بيغير من التركيب الكيميائي للدم، نتيجة اختلاف تركيز الاملاح فيه واللي من اهمها الصوديوم والبوتاسيوم، وبكده الدماغ بتكون حساسة جدا، وكل اما زادت نسبته بيقل حجم الدم ونسبة الاكسجين الواصلة للمخ، وده بيسبب تمدد الاوعية الدموية.

2- تغيير لون البول:

خصوصًا لو كان للغامق، ده بيحصل بسبب تراكم الفضلات والسموم لعدم توفر كميات السوايل، اللي بتساعد على التخلص منها.

3- الاصابة بالامساك:

توفر السوايل بيزود من سهولة حركة القولون والامعاء، وبعدين التخلص من محتوياتها بره الجسم، لكن لما بتنقص نسبتها، الفضلات بتتحرك بصعوبة، والشخص بيصاب بالامساك.

4- الاحساس بالعطش وجفاف الفم:

ده لان قلة السوايل في الجسم بتجعله جاف، وبيكون ريق الشخص ناشف، وفي حاجة للميه علشان تروي الجسم وترطبه.

5- النفس السيء:

لما الجسم بيكون جاف، بينخفض مستوى اللعاب، وبالتالي بتقل قدرة الفم على محاربة البكتيريا المسببة للريحة الكريهة.

 

موضوعات متعلقة:

عادات خاطئة تفعليها تسبب جفاف البشرة تجنبيها

اللبن والعسل لعلاج جفاف العين

ماسك الليمون والعسل لعلاج جفاف البشرة واستعادة نضارتها

زيت الزيتون واللافندر لعلاج جفاف البشرة



قولى رأيك

تابعنا علي فيسبوك