حاجات هتاثر علي علاقتك بطفلك

بواسطه رضوى الشاذلى الأربعاء , 18 أكتوبر 2017 ,10:59 ص

حاجات هتاثر علي علاقتك بطفلك


في اوقات كتير ممكن تلاقي طفلك اكتر عناد ومش بيسمع كلامك، ده معناه ان علاقتك بيه متوترة، وعلشان ده لا يترك اي اثر نفسي عليه، لهلوبة هتقولك على اسباب ممكن تكون السبب في ده.  

١- انشغالك الدايم عنه 
بين الشغل والاهتمامات الخاصة، لازم تخصصي وقت في اليوم تقعدي فيه معاه وتشاركيه اهتماماته. 

٢- اهمالك لمشاعره 
طفلك بيحتاج لاهتمام زيادة عن اللزوم علشان كده اتعودي تهتمي، وبلاش تتجاهليه لان ده ممكن يحسسه انه مش مهم بالنسبالك. 

٣- عدم التركيز في كلامه 
وقت ما طفلك يتكلم لازم تسمعيه كويس جدًا حتى لو بيتكلم في موضوع مش مهم بالنسبه لكي، لازم تنتبهي له وتتجاوبي معاه. 

٤- احراجه كتير 
في امهات من غير قصد بيعملوا كده، ومع الوقت ده بيكون له تأثير على نفسيته وبيحسسه ان رايه مش مهم. 

٥- استخدام الضرب كعقاب 
ده بيكون اسلوب غلط وبلاش تستخدميه مع ولادك، لانه بيترك اثر سئ علي نفسيتهم وكمان بيأذيهم جسديًا وبيأثر علي علاقتك بيهم.  



قولى رأيك

تابعنا علي فيسبوك