شقيق ياسمين عبد العزيز يبعث برسالة جديدة غير مباشرة لها

بواسطه روضة إبراهيم الاحد , 29 مارس 2020 ,12:54 م

شقيق ياسمين عبد العزيز يبعث برسالة جديدة غير مباشرة لها


أثار الفنان وائل عبد العزيز الجدل من جديد، بعدما بعث لشقيقته النجمة ياسمين عبد العزيز برسالة جديدة غير مباشرة، ضمن سلسلة الهجوم عليها، بسبب ارتباطها بالفنان أحمد العوضي الذي يصغرها سنًا.

ونشر وائل عبد العزيز، عبر حسابه الشخصي على موقع التغريدات القصيرة "تويتر"، تغريدة لم يحدد من المقصود بها، ولكن الجميع خمن أنه يقصد شقيقته ياسمين.

وقال في تغرديته: "مفيش حد في الدنيا دي بيعمل أي حاجة غصب عنه، اللي بيحبك هيقعد واللي بايعك هيرحل، إوعى تفرض على حد أي شيء مهما كانت صلته بيك أو مدى قربه".

وتابع: "ومتستناش أي حاجة من أي حد غير ربك، واللي يحاول يخسرك ساعده ولو فكر يبيعك مرة بيعه أنت ألف مرة، إوعى تبقى على حد أو لأي حد مهما كان في قلبك".

وأضاف  قائلًا: "خليك بس مع اللي يدور على سعادتك ومصلحتك، اللي بيعمل حسابك قبله، اللي شايفك من أولوياته، إوعى تقبل تبقى احتياطي في حياة حد بس عشان بتحبه، لو بقيت احتياطي عمرك ما هتنزل الملعب، ومتقبلش بنص الكوباية يا تاخدها كلها يا مش عايزها، دور بس على إسعاد نفسك ولما تسعدها الكل هيدور على سعادتك".

واختتم وائل رسالته: "عندي سؤال: هو حد هيحب نفسك أكتر من نفسك؟، لا أكيد.. طيب ما تجرب تحبها قوى!".

والجدير بالذكر، أن الفنان وائل، شقيق الفنانة ياسمين عبد العزيز، واصل حملة هجومه عليها بسبب علاقتها بالفنان أحمد العوضي، وأخر ما قاله عنه في أخر رسالة لهما: "بص يا بني أنا لما فاض بيا أخر مرة بعتلك رديت علّيا وشتمت فيا وفي عيلتي، الغلط مش عليك الغلط على اللي سابتك تغلط في أهلها كلهم، وإللي يسمح لحد يغلط في أهله يسمح بأي حاجة تاني تحصلهم".

وتابع: "أنا عايز أعرف دلوقتي إنتوا إزاي عايشين مع بعض في البيت والشغل بدون صفة، ولو في صفة محدش صرح بيها ليه!!، أنا بردو اللي بعمل فضايح وهي دي الأصول!! ماتعلنوا جوازكم".

واختتم وائل حديثه: "طيب قسمًا بالله أنا مش هسيب حقي وسمعتي وسمعة أهلي إلا لما الأمور تتحط في نصابها الصحيح، واللي هيغلط فيا زي الناس اللي فاتت من الزملاء المطبلتية أنا هاخد حقي بالقانون، وأخيرًا للناس المحترمة لو ليك أخت حط نفسك مكاني؟!".

وكان شقيق ياسمين عبد العزيز قد ظهر في مقطع فيديو ووجه رسالة إلى شقيقته وأوضح فيها أنه قطع صلة رحمه بها، قائلًا: "رسالة مني يا ياسمين يا حبيبتي ربنا ينجحك ويوفقك في حياتك أنا يمكن اتكلمت بشكل يضايق أنا آسف، ‏بس كنت عايز اعرف طبيعة العلاقة دي إيه بس، أنا كنت شايفك تحت وربنا فوق، فأنا من النهاردة اعتبريني بره حياتك تماما ومش ‏عايز حاجة منك أنتِ حرة في حياتك ومستقبلك بس أنا خلاص مش قادر أعيش حروب تانية أنا تعبت، ربنا يوفقك".‏

يذكر أن خبر ارتباط أحمد العوضي بياسمين عبد العزيز كان قد انتشر بعد نشره لعدد من الصور في عيد ميلادها الـ40، عبر حسابه على موقع "إنستجرام"، وعلق قائلًا: "عيد ميلاد سعيد يا ياسمين" ووضع قلوب حمراء، وظهر الثنائي في الصور بحميمية جعلت الجمهور يتساءل عن طبيعة العلاقة بينهما ووجود قصة حب تجمعهما من عدمه.

 

موضوعات متعلقة:

السبب الحقيقي وراء شماتة شقيق ياسمين عبد العزيز في ريم البارودي بعد منع ظهورها على الشاشة!

شقيق ياسمين عبد العزيز يقدم شكوى ضد هؤلاء الفنانين

شقيق ياسمين عبدالعزيز يهاجم العوضي هل مثلًا تعديت حدود الأصول على ممثلة أخت زميل ليّ؟

شقيق ياسمين عبد العزيز يهاجم أحمد العوضي بعد إعلان زواجه من شقيقته

رسالة حب من أحمد العوضي لياسمين عبد العزيز أنتِ حتة مني والأخيرة ترد


قولى رأيك

تابعنا علي فيسبوك