حلوى الجبن اللبنانية اعمليها بدل ما تشتريها

بواسطه علياء المحمدى الإثنين , 7 أغسطس 2017 ,12:48 م



حلوى الجبن من الحلويات اللبناني المشهورة، وتعتبر من الانواع الغالية جدا بالرغم من ان مكوناتها سهلة وبسيطة، علشان كده لهلوبة بتقولك وفري واتعلمي اعمليها في البيت. 

المكونات:

للحشو:  

4  ملعقة كبيرة حليب بودرة - 1 ½  ملعقة كبيرة نشا - 2 ملعقة كبيرة سكر - ¼ ملعقة صغيرة مستكة، مطحونة "اختياري" -  ¾ كوب ماء - 2 ملعقة كبيرة ماء ورد- ¼ كوب مكسرات - 125 جرام قشطة.

للعجينة:

½ كوب دقيق - ½ كوب ماء - ½  كوب سكر - 800  جرام جبنة موزريلا - 2 ملعقة كبيرة ماء ورد - شربات حلويات.

الطريقة:

- نحضر الحشو بخلط الحليب البودرة والنشا والسكر ومعاهم الميه وماء الورد ونخليهم على نار هادية مع التقليب بسرعة لحد ما المكونات كلها تبقى متجانسة بعدها نضيف القشطة والمكسرات ونسيبه في التلاجة.

- نعمل العجينة بخلط الميه والسكر وعليهم الموتزريلا ونحركهم كويس لحد ما الجبنة تدوب بعدها نضيف الدقيق وماء الورد لحد ما نلاقي العجينة تماسكت.

- نفرد قطعة من بلاستك التغليف بتاع الأكل على سطح مستوي وندهنها بالشربات بتاعنا

- نفرد العجينة على البلاستك على شكل مربعات ونقسمها اتنين

- نحشي العجينة بالحشو بتاعنا ونلفها رول وبعدين نشيل البلاستك ونقدم الحلويات. 

 

موضوعات متعلقة:

طريقة عمل حلاوة الجبن السورية

طريقة عمل الكريم كراميل من غير بيض

 



قولى رأيك

تابعنا علي فيسبوك