تمرينات ممنوعة بعد الولادة القيصرية

بواسطه علياء المحمدى الخميس , 7 سبتمبر 2017 ,12:06 م

تمرينات ممنوعة بعد الولادة القيصرية


لو أنتي رياضية ومتقدريش تبعدي عن الجيم والتمارين حتى بعد الولادة، أو لو حاسة انك عايزة تنزلي الوزن اللي زيدتيه بعد الحمل بسرعة، مفيش مشكلة لكن بعد حوالي 6 لـ 12 أسبوع من الولادة القيصرية حسب طبيعة حالتك، بس ده مش معناه ان ممكن تمارسي كل التمارين، في تمارين لازم تبعدي عنها تماما خلال الفترة دي، وحذر منها خبراء، ومنها:

- التمرينات اللي بتستهدف البطن وعضلاتها غلط بعد القيصرية لأنها ببساطة هيبقى تأثيرها سلبي على منطقة مجروحة.

- رغم انه أسرع التمرينات للتخسيس لكن الجري بعد الولادة القيصرية عايز عضلات حوض قوية جدا؛ لأن الجسم بيبقى لسه قايم من ارهاق ومجهود كبير وممكن الضغط عليه بالجري يبقى له نتايج سلبية.

- حتى لو انتي متعودة عليها مينفعش ترجعي لتمرينات الأحمال مرة واحدة بعد الولادة؛ لأن التمرينات دي مبتحملش على الدراع بس بتحمل على الجسم كله ودي حاجة صعبه على الجسم بعد الولادة.

- تمرينات الرجل زي تمرينات البطن بالظبط؛ الضغط والتحميل فيها بيبقى على الجذع نفسه، وبالتحديد منطقة البطن، وده ممكن يتسبب في فتح الجرح داخليًا ولنفس السبب ابعدي عن تمرينات السكوات والبلانك والضغط.  

 

موضوعات متعلقة:

طرق تنحيف البطن بعد الولادة القيصرية

 



قولى رأيك