مجدي الهواري عن موهبة روبي: "ليه مش واخدة حقها.. أنا أكبر معجب"
بواسطه روضة إبراهيم الاحد , 17 فبراير 2019 ,1:17 م
.png)
أشاد المخرج الكبير مجدي الهواري بالموهبة الفنية للممثلة الشابة روبي، وذلك تزامنًا مع عرض مسلسلها الجديد "أهو ده اللي صار" بالمشاركة مع الفنان أحمد داوود، وطرح "الهواري" تساؤلًا على الجمهور، ليلفت نظر الجميع حول موهبتها التمثيلية العالية.
ونشر مجدي الهواري صورة للفنانة روبي من مسلسل "أهو ده اللي صار"، وعلق عيها متسائلًا: "سؤال محيرنى، هى ليه حد بحجم موهبة روبى فى التمثيل مش واخدة حقها عندنا!! يمكن علشان مابدأتش بالأعمال العظيمة زى فاتن حمامة ولا زى الساحرة سعاد حسنى وكتير كتير هنا وبره جاتلهم الفرصة من أول يوم".
وأضاف "الهواري" قائلًا: "ولا علشان الانطباع الأول بيفضل مسيطر! من وجهة نظرى ديه لو بره وبحجم موهبتها ديه وسنها الصغير ده ممكن تبقى واحدة من الكبار..أوى..وخالص، لأنها صوت وصورة وإحساس وطعم معندناش زيه، وزى العالميات وكتير منهن!! مش عايز اذكر حد من هنا علشان مبقاش الدبة اللى كلت صاحبها وبدل ما البوست ده يبقى فى مصلحة روبى يتحول ضدها".
وتابع: "لو جبت سيرة حد من عمالقة النجمات، فى العقود الأخيرة من تاريخ الفن المصرى، وعقدت مقارنة لا قدر الله ولا سمح الله ولا حاجة اللى كلهم كانت بدايتهم مش جامدة خالص وتألقوا بعد كده وأثبتوا إنهم موهوبين زى روبى فى المسلسل اللى بيتعرض دلوقتى ومحدش كتير واخد باله منه، وسحر التمثيل اللى بتمثله وإزاى بيفصلك عن عملك وصناعتك وتطير معاها بإحساس موهوبة إلى عالم التصديق".
واختتم حديثه، قائلًا: "ومش هاخاف وأنا بقول كده بكل شجاعة ومش هيهمنى الناس اللى شايفة ده ومش قادرة تقولوا علشان هى يا عينى معملتش دور فى حياتها يخلينا نقدرها بالشكل الكافى وحتى لو كانت بدأت بــ ليه بيدارى كده، براڤو روبى أنا أكبر معجب".
والجدير بالذكر، أن مسلسل "أهو ده اللي صار"، يعرض حاليا على شاشة قناة ON E الفضائية، وقد لاقى إعجابًا كبيرًا من قبل الجمهور وحقق نسبة مشاهدة عالية، والمسلسل من بطولة روبي، أحمد داوود، سوسن بدر، محمد فراج، محمود البزاوي، ومن تأليف عبد الرحيم كمال، وإخراج حاتم على.
موضوعات متعلقة:
روبي تثير الجدل بصورة جريئة جدا على الشاطيء!
روبي بالهوت شورت بعد إعلان خطوبة طليقها
شاهد بالصور التغير الواضح في ملامح روبي ونحافتها الشديدة يلفتان الانتباه
خدى فكره
