اسرار الشيفات لاكل حلو على طول

بواسطه علياء المحمدى السبت , 7 يوليو 2018 ,9:55 ص

اسرار الشيفات لاكل حلو على طول


اسرار الشيفات لاكل حلو على طول، اكل الشيفات بيبقى كتالوج للستات تتعلم منه علشان تطلع اكل حلو طول الوقت، وعلشان كده لهلوبة جابتلنا مجموعة اسرار من الشيفات نعرف بها ازاي نظبط الاكل ويطلع مذاقة افضل واحلى.
 
- الشوربة المالحة:
لو فيها ملح زايادة، قدامك حل من الاتنين، يا اما تضعي فيها شوية حبوب يشربوا الملح، او انك تضيفي فيها ملعقة بمكعب سكر واول ما يبدأ يدوب شيلي المعلقة وضعي واحدة جديدة لحد ما الملح يتظبط.
 
- اللحمة ناشفة:
لو هى مشوية وعايزاها تبقى طرية وفيها سائل بليها بالمايونيز قبل ما تشويها.
 
- حافظي على الطعم:
علشان الاكل طعمه يفضل حلو ولا يتغير، سخني الاطباق شوية بالبخار قبل ما تقدميه فيهم.
 
- البطاطس المهروسة:
لو مفيش لها طعم وفي نفس الوقت مش قادرة تضعي زبدة علشان الدايت ضعي حليب، بس يكون دافي علشان البارد بيغير لون البطاطس.
 
- العيش البايت:
لو عندك عيش قديم وحسيتي انه بيفرول ولا يصلح انه يتعمل ساندويتشات، اعملي فيه فراغات واحشيه بالجبنة وضعيه في الفرن.
 
- تخزين الخضار:
لو عايزة تخزني اي نوع منه سواء ورقي او عادي، لفيه في ورق فويل كويس قبل ما تضعيه في التلاجة، بيعيش اطول.
 
- تسخين المعجنات:
اوعي تضعي المعجنات البايتة زي البيتزا في الفرن، سخنيها على البوتاجاز في طاسة احسن.
 
- بديل المايونيز:
لو مش موجود تقدري تستخدمي الساور كريم "الكريمة الحامضة" وعليها صفار بيضة مسلوق كويس وملعقة مستردة ده بيغنيكي عنه. 

موضوعات متعلقة:

طريقة عمل طاجن الكوارع للشيف شربيني

طريقة عمل طاجن لسان العصفور باللحم

طريقة عمل طاجن لحمة الرأس



قولى رأيك

تابعنا علي فيسبوك