"داري يا قلبي" تتخطى حاجز الـ 4 مليون مشاهدة
بواسطه سهام مسلم الثلاثاء , 13 فبراير 2018 ,11:04 ص
.png)
تخطت أغنية المطرب حمزة نمرة الجديدة التي تحمل اسم "داري يا قلبي" حاجز الـ 4 مليون مشاهدة، بعد مرور 4 أيام فقط على إطلاق الكليب الرسمي.
الأغنية من كلمات محمود فاروق وألحان حمزة نمرة وتوزيع كريم عبدالوهاب، فيما يستعد حمزة نمرة لطرح ألبومه الجديد الذي يضم 8 أغنيات، وهو من إنتاج شركته الخاصة التى أسسها مؤخرًا.
حمزة نمرة مؤلف موسيقي ومغني، من مواليد 15 نوفمبر 1980، وتناقش أغانيه قضايا اجتماعية وإنسانية، ودرس حمزة مجال الموسيقى والهندسة الصوتية على الإنترنت في "بيركلي ميوزيك أونلاين" التابعة لكلية "بيركلي" الأمريكية للموسيقى.
ومن أشهر أغانيه "احلم معايا" و"انسان" و"اسمعني" و "تذكرتي رايح جاي"، وكان ألبوم "إنسان" قد حقق أكبر نسبة مبيعات وتم اختياره أفضل ألبوم في عام 2012.
وأشاد رواد مواقع التواصل الاجتماعي، بكلمات الأغنية التي لمست القلوب بمعاني بسيطة، وإليك كلمات الأغنية كاملة:
مالك مش باين ليه؟
قلبك تايه من مدة كبيرة
خايف تتكلم ليه ... في عيونك حيرة وحكاوي كتيرة
متغير ياما عن زمان ... قافل علي قلبك البيبان
حبيت وفارقت كم مكان ...عايش جواك
احساسك كل يوم يقل ... وتخطي وخطوتك تذل
من كتر ما أحبطوك تمل ... فين تلقى دواك
بتودع حلم كل يوم ... تستفرد بيك الهموم
وكله كوم والغربة كوم ... والجرح كبير
مابتديش حاجة اهتمام ... أهلاً أهلاً ... سلام سلام
بقى طبعك قِلة الكلام ... ومافيش تفسير
داري داري ... يا قلبي مهما تداري
قصاد الناس ... حزننا مكشوف
وأهو عادي عادي ... ماحدش في الدنيا دي بيتعلق بشيء إلا و فُراقه يشوف
كل اللي معاك في الصورة غاب ... وطنك والأهل والصحاب
كم واحد ودع وساب ... من غير أسباب
شايف في عينيك نظرة حنين ... بتحن لمين ولا مين
طول عمرها ماشية السنين ... والناس ركاب
مع دقة عقرب الساعات ... بتموت جوانا ذكريات
عشمنا قلوبنا باللي فات ... ونسينا نعيش
كان مكتوب نمشي الطريق ... و نفارق كل مدى شيء
اتسرق العمر بالبطيء ... ورسي على مافيش
وداري داري ... يا قلبي مهما تداري
قصاد الناس ... حزننا مكشوف
وأهو عادي عادي ... ماحدش في الدنيا دي بيتعلق بشيء إلا و فُراقه يشوف
مواضيع متعلقة:
هنا شيحة تنشر صورة مع ولديها من كواليس "SNL بالعربي"
نور تفتح صندوق ذكرياتها لجمهورها..هل تغير شكلها عن طفولتها؟
إيمان العاصي تحتفل بعيد ميلادها ابنتها بصور تجمعهما
شاهد اطلالة الجديد ليسرا اللوزي.. لماذا شبهها الجمهور بمنة شلبي؟
خدى فكره
