محمود العسيلي يهاجم المواهب الشابة ويعلق: "أنا مش مغرور واحترموا خصوصيتي"

هاجم المطرب محمود العسيلي عدد من المواهب الشابة من الشعراء والملحنين، الذين يطلبون مساعدته ويرسلون له أعمالهم بصفة مستمرة على تطبيق "واتس آب"، واصفهم أنهم لا يحترمون خصوصيته.

وعلق محمود العسيلي عبر حسابه الشخصي على موقع التغريدات القصيرة "تويتر"، قائلًا: "الإخوة اللي عايزين يبقوا ملحنين أو شعراء اللي بيبعتوا على الواتس الآب الخاص ويكلمك فجأة على أنه متربي معاك وإنكو كنتوا مع بعض في المدرسة ويبعتلك إسهال من الأغاني وسبحان الله كلهم الجو بتاعك ولايقين عليك وباعتهملك مخصوص.. بلوك مع جزيل الشكر".

ثم تعرض العسيلي بعد ذلك لحملة هجوم شرسة من جمهوره وعدد من الملحنين والشعراء، ليرد عليهم قائلًا: "بالنسبة للهجوم الرهيب.. للتويتة السابقة.. والناس اللي بتسخن على اَي حاجة.. كل اللي أقصده، هو غزو الخصوصية على نمرة تليفوني الشخصية.. شكرًا".

وأكمل حديثه، قائلًا: "واضح من رد الفعل على التويتة الأخيرة أن الناس مبتفهمش يعني إيه خصوصية بني آدم ومش فاهمين بردو الفئة اللي أنا بتكلم عليها من الناس اللي بتطاردك على تليفونك والواتس آب بتاعك بشكل جنوني، وطلعت أنا جالد المواهب الشابة ومغرور وتنك وشايف نفسي ومدعى".

وأضاف قائلًا: "كتير نصحوني أني ماردش خصوصا بعد الكم الرهيب من قلة الأدب والسفالة والسواد اللي شوفتو في الريبلايز.. عمر ما كان الجري ورا حلمك يخليك تعترض خصوصية غيرك بالشكل دا.. ودا اللي خلاني أكتب التويتة الأولانية.. عارف أن الموضوع صعب بس في طرق تانية توصلك".

واختتم حديثه قائلًا: "الحمد لله رب العالمين أنا أي حد موهوب بجد وبيوصلي شغله بطريقة محترمة بجد بحاول أساعده وأقوله رأيي وأشوفله سكك مختلفة حتى لو شغله مش مناسبني فنيًا.. وعلى فكرة الميل بتاعي موجود وبرد عليه وحطه هنا وعلى الإنستجرام وشكرا".

موضوعات متعلقة:

زوجة العسيلي تثير الجدل بروب الاستحمام

قبلات خطيبة محمود العسيلي له تثير الجدل في حفل عيد ميلادها

ريهام سعيد تهاجم محمود العسيلي في فترة مرضها إلا كسر الخواطر

السبت المقبل محمود العسيلي يحيي حفل غنائي بالساحل الشمالي