بعد تصدرها الترنيد.. ملك أحمد زاهر توضح تفاصيل مرضها وتكشف حالتها الصحية

كشفت الفنانة الشابة ملك أحمد زاهر عن تفاصيل حالتها الصحية التي أثارت قلق جمهورها في الأيام الماضية، بعد أن تعرضت لوعكة صحية مفاجئة نُقلت على إثرها إلى المستشفى، مما جعل اسمها يتصدر محركات البحث ومواقع التواصل الاجتماعي.

ملك أحمد زاهر توضح تفاصيل مرضها وتكشف حالتها الصحية

وفي منشور مطوّل عبر حسابها الرسمي على موقع إنستجرام، عبرت ملك عن دهشتها من حجم التفاعل والاهتمام، قائلة: "أنا واللِه ما كنت متوقعة كل اللي حاصل ده، أنا لما حبيت أشارك حالتي الصحية، كنت مخضوضة جدًا على نفسي، وفكرة إن لا أنا ولا الدكاترة حتى عارفين عندي إيه، كانت رعباني، وكنت محتاجة بس أوصلكم إن حياتي فيها الحلو وفيها الوحش، وقلت في الستوري إن الموضوع مش الغرض منه القلق، وإني مش عايزة حد يقلق عليا أنا كويسة، وكده كده أحسن من غيري".

وأضافت: "عندي يقين في ربنا أنه هيقومني بالسلامة، وإن شاء الله تبقى حاجة بسيطة بس من خضتي كتبت مع أن ديه مش طبيعتي إني أشارك الحاجات السلبية عموما أنا بس مش عارفة أقول إيه ولا إيه من قلبي بشكر كل حد سأل عليا ودعالي واللهِ كله كان بيوصلني، وأنا أسفة لو مردتش على حد وبشكر كل زمايلي وأساتذتي اللي كانوا بيسألوا عليا كل يوم ومسابونيش لحظة وكل صحابي وعيلتي اللي كانوا جمبي".

وأشارت ملك إلى تحسن حالتها الصحية بقولها: " أنا الحمد لله بقيت أحسن من الأول وبطلت أروح المستشفى الحمد لله بحمد ربنا إنها جت على قد كده، حتى لو الأيام اللي فاتت كانت صعبة واللي عندي ده حاجة مخيفة شوية، وخضتنا بس برضو أنا كويسة والحمد لله إنها جت على قد كده أكيد ربنا حماني من حاجة أكبر، وأهم حاجة إن عرف السبب بَطل العجب، والحمد لله إننا عرفنا، هي حساسية شديدة في الدم الموضوع critical".

وكانت ملك قد أجرت مؤخرًا عدة فحوصات طبية دقيقة، بعد سلسلة من الأعراض المفاجئة التي استدعت نقلها للمستشفى أكثر من مرة خلال الأيام الماضية، الأمر الذي أثار قلق جمهورها ودفع الكثيرين للبحث عن حالتها والاطمئنان عليها.