نصايح بابا ليكي قبل الجواز.. اتعرفي عليها

بواسطه علياء المحمدى الأربعاء , 27 سبتمبر 2017 ,5:05 م

نصايح بابا ليكي قبل الجواز اتعرفي عليها


الاب هو أول نموذج للرجالة بتتعامل معاه البنت، وعلشان كده بيبقى مثال ليها يعرفها إزاي تتعامل مع الرجال في حياتها سواء أصدقاء، أو زملاء أو شريك حياتها، مش بس كده، لكن هو كمان مسئول ينقل ليها خبرته علشان تقدر تفكر صح خصوصًا لو كانت داخلة على تجربة الجواز ساعتها لازم ينصحها بعض النصايح زي: 

 

- خليكي واثقة من نفسك:

واعرفي قيمتها من غير كلام حد أو مدح شريك، لأن البنات ساعات بتغلط في انها تستمد الثقة دي من نظرة الطرف التاني. 

 

- ضعي حدودك:

واللي بتتضمن الحقوق والواجبات لكل طرف في العلاقة وكمان الحاجات اللي مش ممكن تسمحي بيها في علاقتك مع جوزك، الأب لازم يعرفها كل  ده علشان لا تظلم جوزها ولا يظلمها.

 

- الرجالة بتكره الدراما:

بنات كتير بتميل للمبالغة في مشاعرها زي الزعل والغضب، علشان كدة الأب لازم يحذر بنته من الموضوع ده لو عايزة تحافظ على علاقتها الزوجية ناجحة.

 

- الاعتدال مهم:

في التصرفات واللبس والكلام أهم حاجة يعلمها الأب لبناته لو عايزين ينالوا اعجاب الكل، لان المبالغة في الانفتاح أو المبالغة في التقليدية والتقفيل بينفروا.

 

- قرار قبول الجواز أو رفضه من حقك:

مش كل البنات عندها استعداد للارتباط أو الجواز في نفس السن، لو الأب حس ان بنته مش مرتاحة لقرار الارتباط لازم يبين لها انه متقبلها بكل قراراتها.

يعني ايه تبقى بابا



قولى رأيك

تابعنا علي فيسبوك