أسما شريف منير تعلق على عيد الأم: "يوم مؤلم بالنسبالي وعندي 5 أمهات"

علقت الإعلامية أسما شريف منير، ابنة الفنان شريف منير، على عيد الأم، اليوم الذي يوافق 21 مارس، وكشفت لجمهورها لأول مرة أنه يوم مؤلم بالنسبة لها، وأن الله عوضها بـ 5 أمهات.

أسما شريف منير تعلق على عيد الأم

وقد كتبت أسما شريف منير، عبر حسابها الشخصي على موقع الصور "إنستجرام"، مُعلقة على يوم عيد الأم وموضحة ما يؤلمها به، قائلة: "الحقيقة يوم عيد الأم ده يوم مؤلم أوي بالنسبالي رغم أن أمي توفت من ٢٠٠٧ يعني من ١٧ سنة، بس لسه وحشاني بفتقدها في حياتي و كنت أتمني تكون جنبي في حاجات كتير".

وتابعت أسما كلامها عن والدتها المتوفية: "كان نفسي تشوف لارا، كان نفسي أعيش معاها و تملى عليا البيت وأخدمها وأدلعها زي ما عملت معايا وتعبت معايا، ربنا يرحمك يا أمي و يدخلك فسيح چناته".

وأكملت أسما شريف منير حديثها، موضحة أن الله عوضها بعدد كبير من الأمهات، قائلة: "بس عشان ربنا كريم أنا عندي دلوقتي مش ام واحده عندي ٥ (ماشاء الله) ربنا يحفظهم و يبارك في عمرهم و يخليهم ليا العمر كله، اللي بتدافع عني و اللي بتدلعني و اللي بتحضني و اللي بتأكلني و اللي بتسأل عليا و اللي بطبط عليا و اللي بتطمن أني كويسه كل ست في الستات العظيمة دي، عوض كبير ليا و عيلتي و حبايبي و أهم ناس في حياتي، بحبهم من قلبي وأعمل أي حاجة في الدنيا عشان أشوفهم سعداء".

واستكملت أسما شريف منير، كلامها كاشفة عن الأمهات التي تقصدهم: "بحبكم كلكم و شكرًا على وجدكم في حياتي (حنونه، اموله، ميمي، سوسو و بسبوسة) عوض كبير ليا بعد أمي حبيبتي و نور عيني".

واختتمت أسما شريف منير كلامها: "وعلي فكره زي ما هما أمي أنا ساعات كمان بكون مامتهم عشان هما كلهم cute أوي..يا رب يا لارا أكون أم صالحه ليكي و يفضل في قلبك حب ليا و لين قلبك عليا لما أكبر او تختلفي معايا أو تزعلي مني..بحبك يا نور عيني وأحلى بنت في الدنيا كل سنة و كل أم طيبة و جدعه و جميله و حموله… ربنا يسعدكم و يقويكم و خليكم لأولدكم يا رب".

ومن ناحية آخرى، يذكر أن أسما شريف منير قد أثارت الجدل مؤخرًا، بعد حلاقة شعرها على "الزيرو"، وظهورها في فيديو وهي تقوم بهذا الفعل، وبعدها بعدة أشهر قامت بحلاقة شعرها مرة آخرى، موضحة أن هذا الشكل أصبح مريح لها، قائلة: " أشعر براحة كبيرة ومبسوطة أوي باللوك بتاعي.. وبطلت أطول ضوافري وبقيت أحب أقص ضوافري، وأنا إحساسي دلوقتي حلو أوي".