حقيقة مرض الإعلامية سالي عبد السلام "أنا في الابتلاء ده من 2017"!

نشرت الاعلامية سالي عبد السلام صورة لها من احدى العيادات الطبية على حسابها الرسمي بموقع التواصل الاجتماعي "انستجرام" وعلقت عليها قائلة: أنا في الابتلاء ده من 2017، آخر مرة جتلي الثعلبة في شعري ومشيت وقالولي مش هتيجي تاني كان من سنتين نفس الشهر ده بالظبط، أبريل 2020، عند الناس بتيجى بالواحدة، أنا حتى في دي ربنا بيختبرني بزيادة، سبحانك يا رب".

وتابعت: يبتليك الله ويختبرك في أكتر حاجة بتحبها أو كانت مميزة زمان والناس فاكرة إنها زي ما هي والناس كلها بتمدحها وكانت حلوة زمان ويختبرك!!!، الرضا من عندك يا رب عشان بدأ يروح مني سامحني واعفو عني ومعنديش لا قوة ولا طاقة ولا قادرة أصبر وابدأ من جديد العذاب ده، كان لازم أروح الفطار مع الولاد في الدار ملهمش ذنب وأنا وعدتهم قبل ما أسمع الخبر وابقى مضطرة انبسط وأجبر بخواطر وخاطري مكسور، رجعت أكتر حاجة بتوجع فى الدنيا حقن الكورتيزون في الرأس!".

وأضافت: "7 حقن في عضم الرأس 10 شكات 70 شكة، والدموع بتقع مني غصب عني والله مع إني عمري ما بعرف أعيط قدام حد! الدكتورة سالي حضنتني، ربي يسعدك، ادعوا لي يعفو عني وماخدش كورتيزون كورسات كاملة تاني واتبهدل تاني وابدأ من أول وجديد تاني والوجع تاني، اللهم إنك عفو كريم تحب العفو فاعف عني، اللهم أجرني في مصيبتي واخلف لي خيرًا منها".




موضوعات متعلقة

سالي عبد السلام تعلن عن سعادتها في الانضمام لهذا البرنامج