محمد نجاتي عن زوج منة عرفة "ولد عاوز يلعب"....ما الحكاية!

بواسطه هند جمال الأربعاء , 8 ديسمبر 2021 ,12:42 م

محمد نجاتي عن زوج منة عرفة ولد عاوز يلعب ما الحكاية


بعد ما قام الممثل محمود المهدي، زوج الفنانة منة عرفة بطرح مهرجاناً جديدا بعنوان "حارقكو"، والتي تقول كلماتها: "فين اللي كان عاملي فيها الجولدبيرج، فين عمال يقول لك أنا والحديد، يبقى أنا فين شبه نجاتي، لسه شايفه مدغدغينو اتنين، وهيقعد في البيت شهرين"، قام الفنان محمد نجاتي بمهاجمته، وذلك بعد المشكلة الأخيرة التي حدثت بينهما بسبب المشهد التمثيلي للفنان محمد نجاتي مع منة عرفة في أحد الأعمال الفنية التي جمعت بينهما.
حيث قال: "مش هردّ عليه لما يجيب سيرتي في أغنية أو فيلم، هو عاوز يفتح في الكلام، وبعدين هو إحنا مش ورانا حاجة غيره؟ اللي بيعمله ده شغل عيال صغيرة، والكبار هما اللي بيقفلوا المواضيع، وده ولد عاوز يلعب"

يذكر أم محمود مهدي كان قد اعلن عن انفصاله عن الفنانة منة عرفة من خلال منشور على حسابه الرسمي بموقع التواصل الاجتماعي "انستجرام" جاء فيه: "تم الانفصال، كل حاجة قسمة ونصيب وربنا يوفقها في حياتها اللي اختارتها"

ثم قام بعد ذلك بتوضيح الأمر قائلاً: "الناس اللي بتتصل وتسأل خلاص كل حاجة قسمة ونصيب وأنا كراجل شرقي صعيدي في حاجات مش هتنفع معايا الحاجات دي هتوقفها عن شغلها وحلمها وأصدقائها في الوسط الفني فأكيد مش هقف في ده وربنا يكرمها في المجال الفني وتوصل أعلى حاجة فيه بالتوفيق للجميع"،

ثم كشفت والدة الفنانة منة عرفة عن عودتها لزوجها محمود المهدي وعقب ذلك علقت الفنانة منة عرفة على الأمر من خلال حسابها الرسمي على موقع التواصل الاجتماعي "انستجرام" قائلة:  "من أصعب اللحظات اللي ممكن تعدّي على أي ست لحظة الانفصال وخراب البيت، الطلاق يهتز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقة فبقى أبغض الحلال عند الله بالنسبة لكوا نكتة أو حاجة تتمسخروا عليها".

وأضافت: "رهان بتعملوه مع بعض على إننا مش هنكمل! أو مادة خام للشماتة فينا، خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي اللى ربنا ما يكتبها على أي ست مرحمتونيش ولا قدّرتوا إني في موقف لا أحسد عليه وشمتانين فينا!! قد إيه أنتوا ناس متعرفوش ربنا ولا في قلوبكم رحمة، أتمنوا الخير لبعض يا جماعة بلاش نشمت في بعض".

وتابعت: "لكن دي غلطتي أنا إني شاركتكوا حياتي الشخصية، الإنسان بيغلط عشان يتعلم وأنا اتعلّمت، ربنا يعينكوا على نفسيتكوا الجحيم دي، وعسى أن تكرهوا شيئاً وهو خير لكم، يمكن الخلاف اللى حصل كشف لنا ناس كتير حوالينا كانوا بيمثلوا إنهم فرحانين لينا بس الحقيقي إنهم كانوا مستنّين أول مشكلة عشان يشمتوا في كسرتي وخراب بيتي".

واختتمت: "بس والله ربنا مش هينولهلكو وربنا يخليلي أهلي وزوجي والناس اللي بتتمنالي الخير ووقفت جمبي"

والجدير بالذكر، أن محمود المهدي، كان قد أعلن عن عقد قرانه على الفنانة منة عرفة، 30 يونيو الماضي، من خلال حسابه الرسمي على "إنستجرام"، حيث كتب: "الحمد الله تم كتب الكتاب اليوم بحضور أفراد العائلة فقط وهنعمل فرح إن شاء الله بعد فيلم 666".

موضوعات متعلقة:

مفاجأة من العيار الثقيل منة عرفة هي الزوجة الثالثة وليست الأولى ما الحكاية!

زوج منة عرفة ينشر صورة تجمعها بزوجته الثانية قبل الزفاف بأيام ما الحكاية؟!

لأول مرة شاهد بالصور جمال منة عرفة بحفل خطوبتها

السر وراء عدم نشر الفنانة منة عرفة صورة خطيبها!



قولى رأيك

تابعنا علي فيسبوك